މަންޗީސް ބްރޭންޑްގެ ކްރިމްކްރޭކަރ ބިސްކޯދު ރާއްޖެއަށް ތައާރަފުކޮށްފި

މެލޭޝިޔާ ކުންފުންޏެއް ކަމަށްވާ މަންޗީސް ކުންފުނީގެ ކްރިމްކްރޭކަރ ބްރޭންޑްގެ ބިސްކޯދު ރާއްޖެއަށް ތައާރަފުކޮށްފިއެވެ.

މި ކްރިމްކްރޭކަރ ބިސްކޯދު ރާއްޖެއަށް ތައާރަފުކޮށްފައިވަނީ ޕިރަމިޑްގެ ފަރާތުންނެވެ.

ޕިރަމިޑްގެ މާކެޓިންގް މެނޭޖަރ މުހައްމަދު ސޮބާހު ވިދާޅުވީ މި ކްރިމްކްރޭކަރ ބިސްކޯދުގެ ޙާއްސަ ސިފައަކީ "ޑިޕް ސައިޒަށް" ބިސްކޯދު ފަރުމާކުރެވިފައިވުން ކަމުގައެވެ. އެހެން ކަމުން ބިންދާލަން ނުޖެހޭނެ ކަމަށް ވެސް އޭނާ ވިދާޅުވިއެވެ.

ސޮބާހު ވިދާޅުވީ މި ބިސްކޯދުގެ ރަހަ ވަރަށް މީރުވާނެ ކަމަށާއި މި ބިސްކޯދަކީ ތެޔޮ މަދުކޮށް ސިއްހަތަށް ފައިދާ ވާ ގޮތަށް ތައްޔާރުކުރެވިފައިވާ ބިސްކޯދެއް ކަމަށެވެ.

ޕިރަމިޑް އިން ވަނީ 15 ސެޕްޓެމްބަރ 2017 އިން 31 ޑިސެމްބަރ 2017 އަށް ޕްރޮމޯޝަން އެއްވެސް ފަށާފައެވެ. އެގޮތުން ވީކްލީ ޕްރައިޒެއްގެ ގޮތުން މި ބިސްކޯދު ބައްލަވައި ގަތުމުން ގުރުއަތުން ހޮވޭ ފަރާތަކަށް މަންޗީސް ޕެކެއް ލިބިގެންދާނެ ކަމަށާއި ގްރޭންޑް ޕްރައިޒެއްގެ ގޮތުން 50 އިންޗީގެ ހައިސަން ޓީވިއެއް ލިބިގެންދާނެ ކަމަށްވެސް އޭނާ ވިދާޅުވިއެވެ.

މަންޗީސް ކްރިމްކްރޭކަރ ބިސްކޯދުގެ ރަހަ ބެލުމުގެ ހަރަކާތެއް ހޯމަ ދުވަހު ހެނދުނު 9 އަކުން ރޭގަނޑު 10 އަކަށް އެސްޓީއޯ ޓްރޭޑް ސެންޓަރ (ޕިރަމިޑް ކުރިމަތީ) ގައި ކުރިއަށްދާނެ އެވެ.

މި ބިސްކޯދު ބާޒާރުގައި ވިއްކަން ހުންނާނީ 25 ރުފިޔާ އަށެވެ. އަދި މި ބިސްކޯދަކީ ދަތުރު ފަތުރު ކުރާއިރު ގެންގުޅެވޭ ގޮތަށް ހެޔޮވަރު ސައިޒަކަށް ޕެކެޓްކޮށްފައިވާ ބިސްކޯދެކެވެ.