ނިލަންދޫގައި ދަނޑުވެރިކަމަށް ކުރުމަށް އެއްއަހަރު ދުވަހަށް ބިން ދޫކުރަނީ
11 އެޕްރީލު 2020 | ހޮނިހިރު 13:56ބިން ތަކުގައި ހެއްދޭނީ ހަމައެކަނި ކުރުމުއްދަތުގައި ހައްދައި ބޭނުންކުރެވޭ ތަކެތި
ފ.ނިލަންދޫ
ކޮވިޑް-19 އާ ގުޅިގެން އެއްއަހަރުގެ މުއްދަތަށް ފ. ނިލަންދޫއިން އެއްއަހަރު ދުވަހަށް ބިން ދޫކުރަން ނިންމާފައިވާ ކަމަށް އެރަށުގެ ކައުންސިލުން ބުނެފިއެވެ.
ނިލަންދޫ ކައުންސިލްގެ އިދާރާއިން ބުނީ ކޮވިޑް-19 އާ ގުޅިގެން ރާއްޖެއަށް ކާބޯތަކެތި އެތެރެ ކުރުމަށް ދަތިތަކާ ކުރިމަތިލާން ޖެހިފައިވާތީ ވަގުތީގޮތުން އެއްއަހަރު ދުވަހުގެ މުއްދަތުގައި ދަނޑުވެރިކަން ކުރުމަށް އެ ރަށުން ބިން ދޫކުރުމަށް ނިންމައިފައިވާ ކަމަށެވެ.
އެގޮތުން ދޫކުރާ ބިން ތަކުގައި ހެއްދޭނީ ހަމައެކަނި ކުރު މުއްދަތުގައި ހައްދައި ބޭނުންކުރެވޭ ތެކެތި ކަމަށް ކައުންސިލުން ބުނެއެވެ. އަދި މިގޮތަށް ދަނޑުވެރިކަން ކުރަން ދޫކުރެވޭނީ އެންމެ ބޮޑުވެގެން 5000 އަކަފޫޓުގެ ބިމެއްގައި ކަމަށް ވެސް ކައުންސިލުން ބުނެއެވެ.
ނިލަންދޫ ކައުންސިލުން ބުނީ ވަގުތީގޮތުން ދަނޑުވެރިކަން ކުރުމަށް ބިން ބޭނުންވާ ފަރާތްތަކުން ހުކުރު ދުވަސް ފިޔަވައި ކޮންމެ ދުވަހަކު 10:00 އަކުން 14:00 އަށް ކައުންސިލް އިދާރާގައި ނަންނޯޓު ކުރުމަށް އެދޭ ކަމަށެވެ.
