ކޮވިޑް-19 ޖެހިގެން މަރުވި މީހުންގެ އަދަދު ލައްކައަކަށް ވުރެ މަތި!

ކޮވިޑް-19 ޖެހިގެން މަރުވި މީހުންގެ އަދަދު ލައްކައަކަށް ވުރެ އިތުރުވެއްޖެއެވެ.

ހުކުރު ދުވަހުގެ ރޭ 10:30 ގެ ނިޔަލަށް ކޮވިޑް-19 ޖެހިގެން 101،496 މީހުން މަރުވެފައިވާކަމަށް ތަފާސްހިސާބުތަކުން ދައްކައެވެ. މި ބަލި ޖެހުނު މީހުންގެ އަދަދު 1،673،848 އަށް އަރާއިރު، ރަނގަޅުވި މީހުންގެ އަދަދަކީ 372،027 އެވެ.

މި ބަލި ދުނިޔޭގެ 215 ސަރަހައްދަކުން ފެނިފައިވާއިރު މިހާތަނަށް މި ބަލީގެ އެންމެ ގިނަ ކޭސް ފެނިފައިވަނީ އެމެެރިކާއިންނެވެ. އެމެރިކާގައި 488،959 މީހުންނަށް މި ބަލި ޖެހިފައިވާއިރު 17،995 މީހުން ބަލީގައި މަރުވެފައިވެއެވެ. އަދި މި ބަލި ޖެހުނު 27،482 މީހުން ވަނީ ބަލިން ފަސޭހަވެފައެވެ.

ދެވަނައަށް ކޮވިޑް-19 ގެ އެންމެ ގިނަ ކޭސް ރިޕޯޓުކޮށްފައިވަނީ ސްޕެއިން އިންނެވެ. އެގޮތުން ސްޕެއިންގެ 157،053 މީހަކަށް މި ބަލި ޖެހުނުއިރު މި ބަލީގައި 15،970 މީހުން މަރުވެފައިވެއެވެ. އަދި އެގައުމުގައި 55،668 މީހުން ވަނީ ބަލިން ފަސޭހަވެފައެވެ.

ތިންވަނައަށް މި ބަލީގެ އެންމެ ގިނަ ކޭސްތައް ރިޕޯޓުކުރެވިފައިވަނީ އިޓަލީއިންނެވެ. އިޓަލީގައި 147،577 މީހުން ވައިރަހަށް ޕޮޒިޓިވް ވެފައިވާއިރު މި ބަލި ޖެހިގެން 18،849 މީހުން އެގައުމުން މަރުވެފައިވެއެވެ. އަދި އެގައުމުގައި 30،455 މީހުން ވަނީ ބަލިން ފަސޭހަވެފައެވެ.

ހަތަރުވަނައަށް މި ބަލީގެ އެންމެ ގިނަ ކޭސްތައް ރިޕޯޓުކުރެވިފައިވަނީ ފްރާންސުންނެވެ. ފްރާންސުގައި 124،869 މީހުން ވައިރަހަށް ޕޮޒިޓިވް ވެފައިވާއިރު މި ބަލި ޖެހިގެން 13،197 މީހުން އެގައުމުން މަރުވެފައިވެއެވެ. އަދި އެގައުމުގައި 24،932 މީހުން ވަނީ ބަލިން ފަސޭހަވެފައެވެ.

ފަސްވަނައަށް މި ބަލީގެ އެންމެ ގިނަ ކޭސްތައް ރިޕޯޓުކުރެވިފައިވަނީ ޖަރުމަނުންނެވެ. ޖަރުމަނުގައި 119،311 މީހުން ވައިރަހަށް ޕޮޒިޓިވް ވެފައިވާއިރު މި ބަލި ޖެހިގެން 2،648 މީހުން އެގައުމުން މަރުވެފައިވެއެވެ. އަދި އެގައުމުގައި 49،252 މީހުން ވަނީ ބަލިން ފަސޭހަވެފައެވެ.

މި ބަލި އެންމެ ފުރަތަމަ ފެނުނު ކަމަށް ބުނާ ޗައިނާއިން މިހާތަނަށް 81،908 މީހުން ކޮވިޑް-19 އަށް ޕޮޒިޓިވް ވެފައިވެއެވެ. ޗައިނާގައި ބަލި ޖެހުނު މީހުންގެ ތެރެއިން 77،472 މީހުން ވަނީ ބަލި އެއްކޮށް ފަސޭހަވެ، ދޫކޮށްލާފައެވެ. ވައިރަހަށް ޕޮޒިޓިވްވި މީހުންގެ ތެރެއިން 3،336 މީހުން ވަނީ ބަލީގައި މަރުވެފައެވެ.