ކޮވިޑް-19: ތައިލެންޑުން ކޮވިޑް-19 އަށް އިތުރު 50 މީހަކު ޕޮޒިޓިވްވެއްޖެ
10 އެޕްރީލު 2020 | ހުކުރު 12:11އިމްޕޯޓެޑް ކޭސްތަކެއްވެސް ހިމެނޭ
ތައިލެންޑް ގައި ކޮވިޑް-19 އަށް ޕޮޒިޓިވްވި މީހުންގެ އަދަދު ވަނީ 2،473 އަަށް އަރާފައި
ތައިލެންޑުން ކޮވިޑް-19 ގެ އިތުރު 50 މީހަކު ޕޮޒިޓިވްވެ އެކަކު މަރުވެއްޖެެއެވެ.
އަލަށް ރިޕޯޓް ކުރެވުނު 50 ކޭސްގެ ތެރެއިން 27 ކޭހަކީ މީގެ ކުރިން ރިޕޯޓް ކުރެވުނު ކޭސްތަކާއި ގުޅުން ހުރި ކޭސްތައް ކަމަށް އެގައުމުގެ ސަރުކާރުން ވަނީ ބުނެފައެވެ. އޭގެ ތެރެއިން 8 މީހަކަށް ބަލި އެރިގޮތް ބެލުމުގެ މަސައްކަތް މިހާރު ފަށާފައިވާ ކަމަށް ތައިލެންޑް ސަރުކާރުގެ ތަރުޖަމާނު ވަނީ ވިދާޅުވެފައެވެ.
އެ ގައުމުގެ ސަރުކާރުން ބުނީ، އަލަށް ރިޕޯޓް ކުރެވުނު ކޮވިޑް-19 ގެ ކޭސްތަކުގެ ތެރެއިން ތިން ކޭހަކީ އިމްޕޯޓެޑް ކޭސް ކަމަށެވެ.
ތައިލެންޑުން މިހާތަނަށް ކޮވިޑް-19 ގެ 2،473 ކޭސް އެއް ވަނީ ރިޕޯޓް ކޮށްފައިވާއިރު، 33 މީހަކު ވަނީ މަރުވެފައެވެ. އަދި 1،013 މީހަކު ވަނީ ބަލިން ފަސޭހަވެފައެވެ.
