އައްޑޫގައި މީހަކަށް ތޫނު އެއްޗަކުން ހަމަލާދީ ޒަޚަމް ކޮށްލައިފި
10 އެޕްރީލު 2020 | ހުކުރު 03:12ޒަޚަމް ވެފައިވަނީ 36 އަހަރުގެ ދިވެހި ފިރިހެނެއް
އުމްނާ އިސްމާއިލް | 10 އެޕްރީލު 2020 | ހުކުރު 03:12
ފުލުހުންގެ ވެހިކަލް
އައްޑޫ ސިޓީ މަރަދޫގައި، މީހަކަށް ތޫނު އެއްޗަކުން ހަމަލާދީ ޒަޚަމް ކޮށްލައިފި އެވެ.
ފުލުހުން ބުނީ އޭޕްރިލް 9 ވަނަ ދުވަހު ރޭ 20:16 ހާއިރު އައްޑޫ ސިޓީގެ މަރަދޫ މުދިންގެ މަގުން ދެ ސައިކަލުގައި އައި 4 މީހަކު ތޫނު އެއްޗަކުން ހަމަލާދީ ފިރިހެނަކު ޒަޚަމް ކޮށްލި މައްސަލައެއް ފުލުހުންނަށް ހުށަހަޅާފައިވާ ކަމަށެވެ. ޒަޚަމް ވެފައިވަނީ 36 އަހަރުގެ ދިވެހި ފިރިހެނެއް ކަމަށެވެ.
ފުލުހުން ބުނީ އޭނަގެ ބުރަކަށިން ފަސް އިންޗި ވަރު ތިލަކޮށް ކަފައިގެން ގޮސްފައިވާކަމަށެވެ. އަދި އޭނާ އަށް މަރަދޫ ހެލްތު ސެންޓަރ އިން ފަރުވާ ދިނުމަށް ފަހު ދޫކޮށްލާފައިވާކަމަށެވެ. މި މައްސަލަ ތަހުގީގު ކުރަމުން ދާ ކަމަށް ފުލުހުން ބުންޏެވެ.
