މި މަހުގެ މުސާރައާއެކު މާރޗް މަހުގެ އޯޓީވެސް ލިބޭނެ
މުސާރަ އަށް ގެންނަން ޖެހޭ އުނި އިތުރުތައް މިދިޔަ މަހު ފިނޭންސް މިނިސްޓްރީން ގެނެސްފައިވާ ކަމަށް ވިދާޅުވި
ެވެލާނާގެ
ސިވިލް ސަރވިސް މުވައްޒަފުންނަށް މިހިނގާ އެޕްރީލް މަހުގެ މުސާރައާއެކު ފާއިތިވެދިޔަ މާރޗް މަހުގެ އޯވަރޓައިމް އެލަވެންސް(އިތުރުގަޑީގެ ފައިސާ) ލިބޭނެ ކަމަށް ފިނޭންސް މިނިސްޓްރީގެ މީޑިއާ އެގްޒެކްޓިވް މުޙައްމަދު ޝަނޫން ވިދާޅުވެއްޖެއެވެ.
ރާއްޖެ އެމްވީއަށް މަޢުލޫމާތު ދެއްވަމުން ޝަނޫން ވިދާޅުވީ ކޮވިޑް-19 އާ ގުޅިގެން، މާރޗު މަހު ސަރުކާރުގެ އޮފީސްތައް ބަންދުކޮށްފައިވަނީ މުސާރަ އާއި އިތުރު ގަޑީގެ ފައިސާ ޕްރޮސެސް ކުރާ ހަފުތާއާ ދިމާކޮށް ކަމަށް ވުމާއެކު، މުސާރަ އާއި އޯޓީ ހެދުމަށް ސަރުކާރުގެ އޮފީސްތަކަށް ލިބުނު ވަގުތު މަދު ކަމަށެވެ. އެއާއެކު އޭރު މުސާރަ ޝީޓް ތައްޔާރުކޮށް މިނިސްޓްރީ އަށް ފޮނުވާފައިވަނީ އިތުރު ގަޑީގެ ފައިސާ ނުލާ ކަމަށް ޝަނޫން ވިދާޅުވިއެވެ.
ކޮވިޑް-19 އާ ގުޅިގެން ސަރުކާރުގެ އޮފީސްތަކުން މުސާރަ ދިނުމުގައި ޢަމަލުކުރާނެ ގޮތްތައް ބަޔާންކޮށް ޚާއްޞަ ސަރކިއުލާއެއް ނެރިފައިވާއިރު، ޝަނޫން ވިދާޅުވީ މުސާރައަށް ގެންނަން ޖެހޭ އުނި އިތުރުތައް މިދިޔަ މަހު ފިނޭންސް މިނިސްޓްރީން ގެނެސްފައިވާ ކަމަށާއި، އަންނަ މަހު މުސާރައާއެކު މާރޗު މަހުގެ އިތުރު ގަޑީގެ ފައިސާ ލިބޭނެ ކަމަށެވެ. އަދި އެގޮތަށް ސަރުކާރުގެ އޮފީސްތަކަށްވެސް އަންގާފައިވާނެ ކަމަށް އޭނާ ވިދާޅުވިއެވެ.
ފިނޭންސް މިނިސްޓްރީން މިހެން ބުނެފައިވާއިރު ކޮވިޑް-19 އާ ގުޅިގެން ސަރުކާރުގެ ސިޔާސީ މުވައްޒަފުންގެ މުސާރައިގެ ތެެރެއިން 20 އިންސައްތަ އުނިކޮށް ސަރުކާރުގެ އޮފީސްތައް ވެސް ވަނީ ބަންދުކޮށްފައެވެ.
