ހާލަތަށް ބެލުމަށްފަހު، ކާފިއުގެ ވަގުތު އިތުރުކުރަންޖެހޭނަމަ އިތުރުކުރާނެ:މަބްރޫކް
2 އެޕްރީލު 2020 | ބުރާސްފަތި 19:07ދިމާވާ ދަތިތައް ބަލާނެ
ކޮވިޑް-19ގެ ޓާސްކް ފޯހުގެ ތަރުޖަމާނު މަބްރޫކް އަޒީޒް
ޙާލަތައް ބެލެމަށްފަހު ކާފިއުގެ ވަގުތު އިތުރުކުރަންޖެހޭ ނަމަ ވަގުތު އިތުރުކުރާނެ ކަމަށް ކޮވިޑް-19ގެ ޓާސްކް ފޯހުގެ ތަރުޖަމާނު މަބްރޫކް އަޒީޒް ވިދާޅުވެއްޖެއެވެ.
ކޮވިޑް-19ގެ އެންމެފަހުގެ މަޢުލޫމާތު ޙިއްސާކުރުމަށް ބޭއްވި ނޫސްވެރިންގެ ބައްދަލުވުމުގައި މަބްރޫކް ވިދާޅުވީ ކާފިއުގެ ފުރަތަމަ ދުވަހުން ވެސް ކަންތައްތަކެއް ޕްރެކްޓިސް ކުރެވިފައިވާކަމަށެވެ.
މަބްރޫކް ވިދާޅުވީ ދިމާވާ ދަތިތަކާއި، ފުރިހަމަ ކުރަންޖެހޭ ކަންކަމަށް ބެލުމުގެ މަސައްކަތްތައް ކުރިއަށްދާ ކަމަށެވެ. އަދި ޙާލަތައް ބަދަލު އަންނަކަމުގައިވާނަމަ، ކާފިއުގެ ވަގުތު އިތުރުކުރާނެ ކަމަށް ވެސް މަބްރޫކް ވިދާޅުވިއެވެ.
ފިހާރަތައް ބަންދުކުރާ ގަޑިއާ ކައިރިކޮށް ގިނަ މީހުން ފިހާރަތަކަށްދާކަން ފާހަގަކުރައްވާ މަބްރޫކް ވިދާޅުވީ ކާފިއުގެ ވަގުތުގައި ކޮންމެ ދުވަހަކު ވެސް ފިހާރަތައް ބަންދުވާނެކަމަށެވެ.
މަބްރޫކް ވިދާޅުވީ މިއީ ކޮންމެ ދުވަހަކުވެސް ދިމާވާނެ ކަމެއްކަން ހަނދާކޮށް، ބަންދުކުރާނެ ގަޑިތައް ކުރިއަށް އޮތްތާގައި އިތުރުވާނެ ކަމަށެވެ. އަދި ވީވަރަކުން ޑެލިވަރީ ސަރވިސްގެ ބޭނުން ހިފުމަށާއި، އަދި ދުރާލާ ފިހާރައަށް ދިޔުމަށް މަބްރޫކް އިލްތިމާސްކުރެއްވިއެވެ.
