އައްޑޫގެ އަވަށްތައް ޑިސްއިންފެކްޓު ކުރަން ފަށައިފި
27 މާރިޗު 2020 | ހުކުރު 04:28މި މަސައްކަތް ފަށާފައިވަނީ މިއަދު ހެނދުނު
ހިތަދޫ ބޮޑުމަގުގައި ޑިސްއިންފެކްޓު ކުރުމުގެ މަސައްކަތް ކުރިއަށްދަނީ
އައްޑޫގެ އަވަށްތައް ޑިސްއިންފެކްޓް ކުރުމުގެ އަމަލީ މަސައްކަތް ހުކުރު ދުވަހުގެ ހެނދުނު ފަށައިފިއެވެ.
މި މަސައްކަތް ފަށާފައިވަނީ އައްޑޫ ސިޓީ ކައުންސިލާއި މޯލްޑިވްސް ނެޝެނަލް ޑިފެންސް ފޯސް (އެމްއެންޑީއެފް) ގުޅިގެންނެވެ.
އައްޑޫ ސިޓީ ކައުންސިލުން ބުނީ މުޅި ދުނިޔެއަށް މިހާރު ފެތުރެމުންދާ ކޮވިޑް-19 އާއި ގުޅިގެން އަޅާ ރައްކާތެރިކަމުގެ ފިޔަވަޅެއްގެ ގޮތުން ކަނޑައެޅޭ ދުވަސްތަކުގައި އައްޑޫގެ އިތުރު އަވަށްތައް ޑިސްއިންފެކްޓް ކުރުމުގެ އަމަލީ މަސައްކަތް ފެށުމަށް ހަމަޖެހިފައިވާ ކަމަށެވެ.
ޢާންމު ސަރަޙައްދުތަކުގައި އައިސް ފޮށި ބަހައްޓައިގެން މަސްވިއްކުމާ ހުއްދަ ނެތި ކާބޯތަކެތި ވިއްކުން ވަކި ގޮތަކަށް އަންގަންދެން ހުއްޓާލުމަށް ވެސް ކައުންސިލުން ވަނީ އަންގާފައެވެ.
ކައުންސިލުން ބުނީ މި އެންގުމާއި ޚިލާފުވާ ފަރާތްތަކަށް ޤާނޫނުގައި ކަނޑައެޅިފައިވާ ފިޔަވަޅު އަޅާނެ ކަމަށެވެ.
އައްޑޫގެ އަވަށްތައް ޑިސްއިންފެކްޓް ކުރަން ނިންމާފައިވާއިރު، މާލެސިޓީ އާއި ހުޅުމާލެސިޓީގެ މަގުތައް އެމްއެންޑީއެފް އަދި މާލެ ސިޓީ ކައުންސިލުން ގުޅިގެން ވަނީ ޑިސްއިންފެކްޓް ކޮށްފައެވެ.
