ކޮވިޑް-19: ވައިރަސްޖެހުނު މީހަކާއި ކްލޯސް ކޮންޓެކްޓްވި 2 ދިވެއްސަކު އައިސޮލޭޓްކޮށްފި
22 މާރިޗު 2020 | އާދީއްތަ 15:59މި 2 މީހުން ވެލިދޫ އައިސޮލޭޝަން ފެސިލިޓީއަށް ގެންގޮސް އެކަހެރި ކުރުމުގެ މަސައްކަތް ދަނީ ކުރަމުން
ކޮވިޑް-19 އަށް ސާމްޕަލް ޓެސްޓް ކުރަނީ
ކޮވިޑް-19އަށް ޕޮޒިޓިވްވި މީހަކާއި، ޑައިރެކްޓް ކޮންޓެކްޓްވި 2 ދިވެއްސެއް ޓެސްޓްކުރަން ފަށައިފިއެވެ.
އެޗްޕީއޭއިން ބުނީ ކޮވިޑް-19 އަށް ޕޮޒިޓިވް ވެފައިވާ ފަރާތަކާއި، ޑައިރެކްޓް ކޮންޓެކްޓް ވެފައިވާ 2 ދިވެއްސެއްގެ ފުށުން ކޮވިޑް-19 އަށް ޝައްކުކުރެވޭ އަލާމާތްތައް ފެނިގެން ސާމްޕަލް ނަގައި، ޓެސްޓްކުރުމުގެ މަސައްކަތް ކުރަމުންދާ ކަމަށެވެ.
އެޗްޕީއޭއިން ބުނީ މި 2 މީހުން ވެލިދޫ އައިސޮލޭޝަން ފެސިލިޓީއަށް ގެންގޮސް އެކަހެރި ކުރުމުގެ މަސައްކަތް ކުރަމުންދާ ކަމަށެވެ.
ރާއްޖޭގައި މިހާތަނަށް ކޮވިޑް-19 އަށް 13 މީހަކު ޕޮޒިޓިވްވެފައިވާ އިރު އޭގެ ތެރެއިން 3 މީހަކު ވަނީ ބަލިން ރަނގަޅުވެފައެވެ. މީގެ އިތުރުން އައިސޮލޭޝަން ފެސިލިޓީތަކުގައި 17 އަދި ކަރަންޓީން ފެސިލިޓީތަކުގައި 440 މީހަކު އެބަތިއްބެވެ.
