ކޮވިޑް-19: ޑައިރެކްޓް ކޮންޓެކްޓްވި ދިވެއްސަކު އެކަހެރިކޮށްފި

އަނަންތަރަ ދިގު މޯލްޑިވްސް ރިސޯޓުން ކޮވިޑް-19 އަށް ޕޮޒިޓިވްވި ބަޔަކާއި ޑައިރެކްޓް ކޮންޓެކްޓްވި ދިވެއްސަކު އެކަހެރި ކޮށްފި އެވެ.

ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ކޮށްފައިވާ ޓްވީޓެއްގައި ބުނީ، ކޮވިޑް-19 އަށް ޕޮޒިޓިވްވި ބަޔަކާއި ޑައިރެކްޓް ކޮންޓެކްޓްވި ދިވެއްސަކުގެ ފަރާތުން ވައިރަހުގެ އަލާމާތްތައް ފެނިގެން އެމީހާ އެކަހެރިކޮށް ޓެސްޓު ކުރުމުގެ މަސައްކަތް ކުރުމަންދާ ކަމަށެވެ.

އަނަންތަރަ ދިގު ރިސޯޓުން މީހަކު އެކަހެރި ކޮށްފައިވާއިރު، އެ ރަށުން ދެ މީހަކު ވަނީ ޕޮޒިޓިވްވެފައެވެ. އެ ދެ މީހުންނާއެކު ރާއްޖެއިން ކޮވިޑް-19 ޖެހުނު މީހުންގެ އަދަދުވަނީ 13 އަށް އަރާފަ އެވެ. އެ އެންމެންނަކީވެސް ބިދޭސީންނެވެ. އަދި މިހާތަނަށް މި ބައްޔަށް ދިވެއްސަކު ޕޮޒިޓިވްވެފައެއް ނުވެއެވެ.