ހެލްތު މިނިސްޓްރީގެ އެންގުމާއި ޚިލާފަށް ސަފާރީ އަކުން ހުޅުމާލެއަށް ފޭބި މީހަކު ހައްޔަރުކޮށްފި
އޭނާގެ ބަންދަށް 5 ދުވަހުގެ މުއްދަތު ވަނީ ދީފައި
ހުޅުމާލެ ބޭރުގައި އޮތް ސަފާރީއެއް
ޑިރެކްޓަރ ޖެނެރަލް އޮފް ޕަބްލިކް ހެލްތުގެ އެންގެވުމާއި ޚިލާފަށް ސަފާރީއަކުން ހުޅުމާލެއަށް ފޭބި މީހަކު ފުލުހުން ހައްޔަރު ކޮށްފިއެވެ.
ފުލުހުން ބުނީ މިހިނގާ މާރޗް 21 ވަނަ ދުވަހުގެ އިރުއޮއްސި 6:15 ހާއިރު ހުޅުމާލެ ބަނދަރުގައި އޮތް ސަފާރީއެއްގައި މަސައްކަތް ކުރާ 32 އަހަރުގެ ދިވެހި ފިރިހެނަކު ޑިރެކްޓަރ ޖެނެރަލް އޮފް ޕަބްލިކް ހެލްތުގެ އެންގެވުމާއި ޚިލާފަށް ސަފާރީން ހުޅުމާލެއަށް ފޭބުމާއި އަދި ފުލުހުންނަށް ދޮގު މަޢުލޫމާތު ދިން މައްސަލައިގައި ހައްޔަރު ކުރެވިފައިވާ ކަމަށެވެ.
ފުލުހުން ބުނީ އެނާގެ ބަންދާއި މެދު ގޮތެއް ނިންމުމަށް އާދިއްތަ ދުވަހު ކޯޓަށް ގެންދިއުމުން ހުޅުމާލެ މެޖިސްޓްރޭޓް ކޯޓުން އޭނާގެ ބަންދަށް 5 ދުވަހުގެ މުއްދަތު ދީފައިވާކަމަށެވެ.
މި މައްސަލަ ފުލުހުން ދަނީ ތަހުޤީގު ކުރަމުނެވެ.
