ކުރިޔަށް އޮތް ދެ ހަފްތާތެރޭ ގަލްފް ގައުމުތަކުގައި އުޅޭ އިންޑިއާގެ 26،000 މީހުން އެ ގައުމަށް އަންނަނީ

ކުރިޔަށް އޮތް ދެ ހަފްތާތެރޭގައި ގަލްފް ގައުމުތަކުގައި މަސައްކަތްކުރަމުންދާ އިންޑިއާގެ 26،000 މީހުން އެގައުމަށް އެނބުރި އަންނާނެކަމަށް އިންޑިޔާއިން ހާމަކޮށްފި އެވެ.

ދުވާލަކު 20 ށް ވުރެ ގިނަ ފްލައިޓް ގަލްފު ގައުމުތަށްކަމަށްވާ ޔުނައިޓެޑް އެރަބް އެމިރޭޓްސް، ކުވައިތު އަދި ގަތަރު ފަދަ ގައުމުތަކުން އިންޑިއާއަށް އާދެއެވެ. ބުދަ ދުވަހު އިންޑިޔާގެ ހޯމް އެފެއަރޒުން އަންގާފައިވަނީ ގަލްފުގެ ގައުމުތަކުން އަންނަ އެގައުމުތަކުގައި ޓްރާންސިޓްކޮށްފައި އަންނަ ކޮންމެ މީހަކު 14 ދުވަސްވަންދެން ކަރަންޓީނުގައި އެމީހެއްގެ ގޭގައި ނުވަތަ ސަރުކާރުން ދައްކާތަނެއްގައި ތިބެންޖެހޭނެކަމަށެވެ.

އިންޑިއާއަށް އެނބުރި އަންނަ ގިނަ މީހުންނަކީ އެކިއެކި މަޝްރޫޢުތަކުގައި ގަލްފްގެ ގައުމުތަކުގައި މަސައްކަތްކުރަމުންދާ މީހުންނެވެ. އަނބުރާ އަންނަ ފަރާތްތަކުގެ ތެރެއިން ބަލީގެ އަލާމާތެއް ނުފެންނަ މީހެއްނަމަ ގޭގައި ސެލްފް އައިސޮލޭޝަންގައި ތިބެންޖެހޭނެ އެވެ. މުމްބާއީ ނޫން އެހެން ސަރަހައްދެއް ނަމަ އެމީހަކު ދިރިއުޅޭ ހިސާބަކަށް ދިޔުމަށް އާންމު ދަތުރުފަތުރުގެ އެއްވެސް ނިޒާމެއްގެ ބޭނުމެއް ކޮށްގެންނުވާނެކަމަށް އިންޑިޔާއިން ވަނީ އަންގާފަ އެވެ.

އަންނަ ފަރާތްތަކުގެ ތެރެއިން ބަލީގެ އަލާމާތް ފެންނަނަމަ އެމީހަކު ސަރުކާރުން ހަމަޖައްސާފައިވާ ކަރަންޓީނު ފެސިލިޓީއެއްގައި ހުންނަން ޖެހޭނެ ކަމަށް މުނިސިޕަލް ގަވަރމަންޓް އޮފީހުން ވަނީ ބުނެފަ އެވެ. ސަރުކާރުގެ ކަރަންޓީނު ފެސިލިޓީތަކުގައި 700 މީހުންގެ ޖާގަ ހުރެއެވެ. މުމްބާއީން މިހާތަނަށް އާއިރު މިވައިރަސް ޖެހިފައިވާ 45 މީހުން ވަނީ ފެނިފައެވެ. އަދި މުޅި އިންޑިއާއިން މިހާތަނަށް 174 މީހުންނަށް ވައިރަސް ޖެހިފައިވާއިރު 3 މީހަކު ވަނީ މަރުވެފައެވެ.