ސްޕެއިން އިން އައި ދިވެއްސެއް ފަރުކޮޅުފުއްޓަށް ގެންދަނީ
15 މާރިޗު 2020 | އާދީއްތަ 13:54ރާއްޖެއިން ކޮވިޑް-19 އަށް 13 މީހަކު ވަނީ ޕޮޒިޓިވްވެފައި
ރާއްޖެ ކޮވިޑް-19 އަށް ތައްޔާރުވުމުގެ ގޮތުން ކުރިޔަށް ގެންދިޔަ އެމެޖެންސީ ޑްރިލްއެއްގެ ތެރެއިން
ސްޕެއިން އިން އައި ދިވެއްސެއް ކޮވިޑް-19 އަށް ޝައްކުކުރެވޭ އަލާމާތްތަކެއް ހުރުމުން އެ މީހާ، ފަރުކޮޅުފުއްޓަށް ގެންދިއުމުގެ މަސައްކަތް ކުރަމުންދާ ކަމަށް އެޗްޕީއޭ އިން ބުނެފިއެވެ.
އެޗްޕީއޭ އިން ބުނީ ސްޕެއިން އިން އައި ދިވެއްސެއްގެ ގައިން ވައިރަހަށް ޝައްކުކުރެވޭ އަލާމާތްތަކެއް ހުރުމުން އެމީހާ މޮނީޓަރކޮށް، ޓެސްޓު ހެދުމަށް ފަރުކޮޅުފުށްޓަށް ގެންދިއުމުގެ މަސައްކަތް ކުރެވެމުންދާ ކަމަށެވެ.
ރާއްޖެއިން މިހާތަނަށް ކޮވިޑް-19 އަށް 13 މީހަކު ވަނީ ޕޮޒިޓިވްވެފައެވެ. އެ އެންމެންނަކީވެސް ބިދޭސީންނެވެ. އަދި މިހާތަނަށް މި ރޯގާއަށް އެއްވެސް ދިވެއްސަކު ޕޮޒިޓިވްއެއް ނުވެއެވެ.
ކޮވިޑް-19 ރާއްޖެއިން ފެނުމާއި ގުޅިގެން ސަރުކާރުން ވަނީ 30 ދުވަހުގެ މުއްދަތަށް ރާއްޖޭގައި އާންމު ސިއްހީ ކުއްލި ނުރައްކަލުގެ ހާލަތު އިއުލާންކޮށްފައެވެ.
