ރާއްޖޭގައި ކޮވިޑް-19 ފެތުރެމުންދިއުމާއި ގުޅިގެން ސެންޓްރަލް ޕާކް ހިމެނޭ ގޮތައް ހުޅުމާލޭގެ ހުރިހާ ޕާކުތަކެއް ބަންދުކޮށްފި އެވެ.
ހުޅުމާލޭ ޑިވެލޮޕްމަންޓް ކޯޕަރޭޝަން (ޢެޗްޑީސީ) އިން ކުރި ޓްވީޓެއްގައި ވަނީ ކޮވިޑް-19 އާއި ގުޅިގެން ރާއްޖޭގައި ޞިއްޙީ ޙާލަތު އިޢުލާން ކޮށްފައިވާތީ ހުކުރު ދުވަހުން ފެށިގެން ސެންޓްރަލްޕާކް ހިމެނޭ ގޮތަށް ހުރިހާ ޕާކްތައް ޢާންމުންނަށް ބަންދުވާނެ ކަމަށެވެ.
ކޮވިޑް-19 ގެ ސަބަބުން ރާއްޖޭގައި ޞިއްޙީ ކުއްލި ނުރައްކަލުގެ ޙާލަތު އިޢުލާންކުރުމާއި ގުޅިގެން ހުކުރު ދުވަހުން ފެށިގެން މާލޭގެ ޕާކުތަކެއްވެސް ވަނީ ބަންދު ކޮށްފައެވެ.
އެގޮތުން ޖުމްހޫރީ މައިދާނާއި، ސަލްޓަން ޕާކް އަދި އެހެނިހެން މައިޒާންތަކާއި ޕާކުތައް ޢާންމުންނަށް ބަންދުވާނެއެވެ.
