ކޮވިޑް-19: މާލޭގެ ޕާރކްތައް އާންމުންނަށް ބަންދުކޮށްފި
12 މާރިޗު 2020 | ބުރާސްފަތި 19:45ޖުމްހޫރީ މައިދާނާއި، ސަލްޓަން ޕާކް އަދިއެހެނިހެން މައިޒާންތަކާއި ޕާކުތައް އާންމުންނަށް ބަންދުވާނެ
ސަލްޓަން ޕާކު
މާލެ ސިޓީގެ ޕާރކްތައް އާންމުންނަށް ބަންދުކޮށްފިއެވެ.
މިކަމާއި ގުޅިގެން މާލެ ސިޓީ ކައުންސިލުން ބުނީ ކޯވިޑް-19 ގެ ސަބަބުން ރާއްޖޭގައި ސިއްހީ ކުއްލި ނުރައްކަލުގެ ހާލަތު އިޢުލާންކުރުމާއި ގުޅިގެން 13 މާރޗް 2020 ވާ ހުކުރު ދުވަހުން ފެށިގެން މާލޭގެ ޕާކުތައް ބަންދުވާނެ ކަމަށެވެ.
އެގޮތުން ޖުމްހޫރީ މައިދާނާއި، ސަލްޓަން ޕާކް އަދިއެހެނިހެން މައިޒާންތަކާއި ޕާކުތައް އާންމުންނަށް ބަންދުވާނެ ކަމަށެވެ.
މާލެ ސިޓީގެ ޕާކުތައް ބަންދުކޮށްފަައިވާއިރު މާލެ ސިޓީ ކައުންސިލުން ވަނީ މާލޭގައި ދިރިއުޅެމުންދާ މީހުންގެ ރައްކާތެރިކަމަށްޓަކައި ކަމާބެހޭ ފަރާތްތަކާއި ގުޅިގެން ގިނަ ފިޔަވަޅުތަކެއް އަޅަމުންނެވެ. އެގޮތުން ކޮވިޑް-19 އާ ގުޅިގެން ރަމަޟާން މަހާއި ދިމާކޮށް އާއްމުގޮތެއްގައި ބާއްވަމުން އަންނަ ނައިޓް މާރކެޓް ނުބާއްވަން ވެސް ވަނީ ނިންމާފައެވެ.
އާންމު ސިއްހަތުގެ ގާނޫނުން ލިބިދޭ ބާރުގެ ދަށުން ހެލްތް މިނިސްޓަރ އަބްދުﷲ އަމީން އިއުލާނު ކުރެއްވީ ބުރާސްފަތި ދުވަހުގެ މެންދުރު ފަހު ދަރުބާރުގޭގައި ބޭއްވި ނޫސްވެރިންގެ ބައްދަލުވުމުގައެވެ.
