ކޮވިޑް-19: ވަން އެންޑް އޮންލީ ރީތި ރަށުން ސާމްޕަލް ނެގި މީހާ ނެގެޓިވް، ރިސޯޓް ހުޅުވައިފި
11 މާރިޗު 2020 | ބުދަ 07:08އަލާމަތްތައް ފެނިފައިވަނީ ބިދޭސީއެއްގެ ފަރާތުން
ވަންޑް އެންޑް އޮންލީ ރިސޯޓު
ކޮވިޑް19 އަށް ޝައްކު ކުރެވިގެން ވަން އެންޑް އޮންލީ ރީތިރަށް ރިސޯޓުން ކަރަންޓީނުކުރި ކުޑަ ކުއްޖާ، ވައިރަހަށް ނެގެޓިވްކަމަށް އެޗްޕީއޭއިން ހާމަކޮށްފިއެވެ.
ބުދަ ދުވަހު އެޗްޕީއޭއިން ކޮށްފައިވާ ޓުވީޓެއްގައި ބުނެފައިވަނީ، ކޮވިޑް 19އަށް ޝައްކުކުރެވޭ އަލާމާތްތައް ހުރެގެން ވަން އެންޑް އޮންލީ ރީތިރަށް ރިސޯޓުން ސާމްޕަލް ނަގާ ޓެސްޓްކުރި މީހާ ވަނީ އެ ބައްޔަށް ނެގަޓިވް ވެފައިވާކަމަށާއި ޓެސްޓްގެ ނަތީޖާއާއި ވިދިގެން، އަދި "ކޮންޓެކްޓް ޓްރޭސިންގ" ނިމުމާއި ގުޅިގެން ރަށަށް އަރާ ފޭބުމުގެ އެއްވެސް ހުރަހެއް ނެތްކަމަށެވެ.
މިއާއެކު ލޮކްޑައުންގައި މިހާރު އޮތީ ތިން ރިސޯޓެކެވެ. އެއީ ރާއްޖެއިން އެންމެ ފުރަތަމަ މި ބަލި ފެނުނު ކުރެއްދޫ އައިލެންޑް ރިސޯޓާއި، ސޭންޑީޒް ބަތަލާ އަދި ކުރަމަތި އައިލެންޑް ރިސޯޓެވެ.
