ކޯވިޑް-19 ފެތުރެމުންދާތީ މުޅި އިޓަލީ ލޮކްޑައުން ކޮށްފި
9 މާރިޗު 2020 | ހޯމަ 22:08އިޓަލީގައި އާންމު އެއްވުންތައް ބޭއްވުންވެސް ވަނީ މަނާކޮށްފަ
އިޓަލީގައި ދިރިއުޅޭ ރައްޔިތުންތަކެއް
އިޓަލީ ވިލާތުގައި ހަލުވި ކަމާއެކު ކޯވިޑް-19 ފެތުރެމުންދާތީ އެ ޤައުމު ލޮކްޑައުން ކޮށްފިއެވެ.
ހޯމަ ދުވަހު އެކަން ހާމަ ކޮށްފައި ވަނީ އެޤައުމުގެ ވަޑުވަޒީރު ގުޒެއްޕެ ކޮންޓޭއެވެ.އިޓަލީގައި ޢާންމު އެއްވުންތައް ބޭއްވުންވެސް މިހާރު ވަނީ މަނާކޮށްފައެވެ. އަންގާރަ ދުވަހުން ފެށިގެން ދަތުރު ކުރުމަށް ހުއްދަދެނީ ވަޒީފާއަށާއި، ޢާއިލީ ކަމެއް މެދުވެރިވެގެން އެކަންޏެވެ.
މިގޮތަށް ނިންމާފައި މިވަނީ މުޖްތަމަޢުގައި ނާޒުކުޙާލަތްތަކުގައި ދިރިއުޅޭ މީހުން މި ވައިރަސްއިން ރައްކާތެރިކުރުމުގެ ބޭނުމުގައެވެ.
އެޤައުމުން މިހާތަނަށް ވަނީ 7375 މީހުން ކޯވިޑް-19 އަށް ޕޮޒިޓިވް ވެފައެވެ. އަދި، އެޤައުމުން 366 މީހުން ވަނީ މަރުވެފައެވެ.
އިޓަލީ އަކީ ވައިރަސް ފެނުނު މައި މަރުކަޒު ކަމަށްވާ ޗައިނާ ފިޔަވާ އެންމެ ގިނައިން މި ވައިރަސް ފެތުރިފައިވާ ޤައުމެވެ.
