މުޅި ހަށިގަނޑުގައި ޓޭޓޫ ޖެހި މަޝްހޫރު ޒުވާނާ މަރުވެއްޖެ

އިންސާނުންގެ ކަށިގަނޑުގެ ޓެޓޫ ޖެހި މަޝްހޫރު ޒުވާނާ "ޒޮމްބީ ބޯއި" ރިކް ޖެނެސްޓް މަރުވެފައި އޮއްވާ ފެނިއްޖެއެވެ.

އުމުރުން 32 އަހަރުގެ ރިކް މަރުވެފައި އޮއްވާ ފެނުނީ އޭނާގެ ގޭގެ ތެރެއިންނެވެ. ބެލެވޭ ގޮތުގައި އޭނާ މަރުވެފައި ވަނީ އަމިއްލައަށެވެ.

ކެނެޑާގައި ދިރި އުޅެމުން ދިޔަ އެ ޒުވާނާ އަކީ ޓެޓޫ ދުނިޔޭގައި އެންމެ ދެކެ ފަރިތަ އެއް މޫނެވެ. އޭނާ ވަނީ މަޝްހޫރު ލަވަ ކިއުންތެރިޔާ ލޭޑީ ގާގާގެ ލަވައެއްގައި ވެސް ފެނިލައިފައެވެ. އޭގައި ލޭޑީ ގާގާ ވަނީ ރިކްގެ މޫނު މަތީގެ ޓެޓޫ ކޮޕީ ކޮށްފައެވެ.

ރިކް މަރުވި ކަމަށް ބެލެވެނީ މެންޓަލް ހެލްތުގެ ސަބަބުންނެވެ، ދުނިޔޭގެ ގިނަ ބަޔަކު ދަނީ މެންޓަލް ހެލްތް އަކީ ޖިސްމާނީ އަނިޔާއެއްލިބުން ފަދަ ކަމެއް ކަމަށް ބުނަމުންނެވެ.

ރިކް މަރުވިއިރު ވަނީ ފްރާންސްގެ ފެޝަން ޑިޒައިނަރެއްގެ ކައިރީގައި މޮޑަލަކަށް މަސައްކަތް ކުރުމުގެ އިތުރުން ވޯގް ޖަޕާނަށް ވެސް އަރާފައެވެ. އަދި އޭނާ ވަނީ މަޝްހޫރު ރެޕް އާޓިސްޓްގެ އަލްބަމެއްގެ ކަވާގައި ވެސް ފެނިލާފައެވެ.

އޭނާ މަރުވީރު އުމުރުން 33 އަހަރު ވާން ބާކީ އޮތީ ހަ ދުވަހެވެ.