ފިލިޕީންސްގެ ދެކުނުގެ ރަށެއް ކަމަށްވާ މިންޑަނާއޯގައި 100 ވަރަކަށް މުސްލިމް ހަނގުރާމަވެރިންނާއި ސަރުކާރުގެ ފައުޖުތަކާއެކު ބަޑީގެ ހަމަލާތަކެއް ބަދަލުކުރުމަށް ފަހު މައި ސިޓީ ހަނގުރާމަވެރިންގެ އަތްދަށަށް ގެންދިއުމުން ރައީސް ރޮޑްރިގޯ ޑުޓާޓޭ އެ ރަށުގައި މާޝަލް ލޯ ތަންފީޒު ކުރައްވަން ފައްޓަވައިފިއެވެ.

ހަމަނުޖެހުންތަކުގައި ސަލާމަތީ ބާރުތަކުގެ ތިން މީހުން މަރުވި ކަމަށް އޮފިޝަލުން ބުނެއެވެ.

ކުއްލިހާލަތު އިއުލާން ކުރައްވާފައި ވަނީ ވަގުތުން ވަގުތަށް 60 ދުވަހުގެ މުއްދަތަށް ކަމަށް ރައީސްގެ ތަރުޖަމާނު އަރނެސްޓޯ އަބެއްލާ ވިދާޅުވިއެވެ.

ކުއްލި ހާލަތު އިއުލާނުކުރެއްވިއިރު ރައީސް ޑުޓާޓޭ ހުންނެވީ ހަތަރު ދުވަހުގެ ރަސްމީ ދަތުރުފުޅެއްގައި ރަޝިއާގައެވެ.

"ރައީސް ވަނީ މުޅި މިންޑަނާއޯގައި މާޝަލް ލޯ އިއުލާނު ކުރައްވާފައި"އަންގާރަ ދުވަހު އަބެއްލާ ވިދާޅުވިއެވެ.

މި ކަމަކީ ހަނގުރާމަވެރިންގެ ކަމެއްކަމަށް ވުން ގާތް" އޭނާވިދާޅުވިއެވެ.

ވެރިކަމަށް ވަޑައިގަތުމަށް ފަހު މަސްތުިވާތަކެއްޗާ ދެކޮޅަށް ކުރާ ހަނގުރާމައިގެ ދަށުން އެތައް ބަޔަކު މަރާފައިވާއިރު ޑުޓާޓޭ ގެންދަވަނީ މުޅިގައުމުގައި މާޝަލް ލޯ ތަންފީޒު ކުރެއްވުމަށް ބައްލަވަމުން ކަމަށް ބައެއް ރިޕޯޓްތައް ބުނެއެވެ.

މިންޑަނާއޯ އަކީ އެތައް ބައިވަރު މުސްލިމުން އުޅެމުންދާ ސިޓީއަކަށްވާއިރު ހަނގުރާމަވެރި ގްރޫޕްތަކުން ދަނީ އެމީހުންގެ އަމިއްލަ ވެރިކަމެއް ގާއިމް ކުރެވޭތޯ ބަލަމުންނެވެ.

ހަމަލާތަކުގައި ކްރިސްޓިއަނުންގެ ޗާޗަކާއި ސިޓީ ޖަލު އަދި ދެ ސްކޫލެއްގައި ހުޅުޖަހައި މައި ދެ މަގާއި ސިޓީއަށް ދާން އޮންނަ ދެ ބްރިޖް ހިސާރުކޮށްފައި ވެއެވެ.

އެ ސިޓީއަކީ 200،000 އެއްހާ މީހުންގެ އާބާދީއެއް އޮންނަ ސިޓީއެކެވެ.

މާޝަލް ލޯގެ ދަށުން އަސްކަރިއްޔާއަށް މީހުން ހިފާ ހައްޔަރުކޮށް ދައުވާއެއް ނުކޮށް ދިގު މުއްދަތެއް ވަންދެން ބޭތިއްބުގެ ފުރުސަތު ލިބިގެންދާނެއެވެ.