ރިޔާސީ ބަޔާނަށް ޖަވާބު ދިނުން މާދަމާގެ ޖަލްސާގައި
25 ފެބުރުއަރީ 2020 | އަންގާރަ 07:25އިދިކޮޅު މެމްބަރުން ދެއްވާ ޖަވާބު ދެއްވުމަށް ހަމަޖެހިފައިވަނީ މަޖިލީހުގެ މައިނޯރިޓީ ލީޑަރު ޕީޕީއެމްގެ ޕީޖީ ގްރޫޕްގެ ލީޑަރ އޭދަފުށި ދާއިރާގެ މެމްބަރ އަހުމަދު ސަލީމު
މިއަހަރަށް ރިޔާސީ ބަޔާން ރައީސުލްޖުމްހޫރިއްޔާ ދެއްވަނީ
ރިޔާސީ ބަޔާނަށް ޖަވާބު ދިނުން މާދަމާގެ ޖަލްސާގައި އޮންނާނެ ކަމަށް މަޖިލީހުގެ އިދާރާއިން ބުނެފި އެވެ.
ރިޔާސީ ބަޔާނަށް ޖަވާބު ދިނުން މިހަފްތާގެ ހޯމަ ދުވަހުގެ ޖަލްސާގައި އޮންނާނެ ކަމަށް މީގެކުރިން މަޖިލީހުގެ ރައީސް، ރައީސް މުހައްމަދު ނަޝީދު ވަނީ ވިދާޅުވެފަ އެވެ. އެހެން ނަމަވެސް ރިޔާސީ ބަޔާނަށް ޖަވާބު ދިނުން ފަހުން ވަނީ މިހަފްތާގެ ބުދަ ދުވަހަށް ފަސްކޮށްފަ އެވެ. ރިޔާސީ ބަޔާނަށް ޖަވާބު ދިނުން ފަސްކުރި ސަބަބެއް މަޖިލީހުން ހާމައެއް ނުކުރެ އެވެ. އެހެންނަމަވެސް އެކަން މަޖިލީހުގެ އިދިކޮޅު މެމްބަރުންނަށް އަންގާފައިވާކަމަށް މައުލޫމާތު ލިބެއެވެ.
ރައްޔިތުންގެ މަޖިލީހުގެ ޖަލްސާތައް މިދައުރަށް ފެށުމުގެ ގޮތުން ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު އިއްވެވި ރިޔާސީ ބަޔާނަށް އިދިކޮޅު މެމްބަރުން ދެއްވާ ޖަވާބު ދެއްވުމަށް ހަމަޖެހިފައިވަނީ މަޖިލީހުގެ މައިނޯރިޓީ ލީޑަރު ޕީޕީއެމްގެ ޕީޖީ ގްރޫޕްގެ ލީޑަރ އޭދަފުށި ދާއިރާގެ މެމްބަރ އަހުމަދު ސަލީމެވެ.
މަޖިލީހުގެ ގަވާއިދު ބުނާގޮތުން ރިޔާސީ ބަޔާނަށް ދޭ ޖަވާބު އިއުލާންކުރާނީ ރައީސް ނިސްބަތްވާ ޕާޓީ ގެ މެމްބަރުން ފިޔަވައި މަޖިލީހުގައި ހިމެނޭ އެހެން ޕާޓީތަކާއި ޕާޓީތަކަށް ނިސްބަތްނުވާ މެމްބަރުންގެ ޚިޔާލާއި ފިކުރު ހިމަނައިގެންނެވެ. މިގޮތުން މެމްބަރުންގެ ޚިޔާލާއި ފިކުރާއި ހޯދާނީ މިކަމަށް ބާއްވާ ބައްދަލުވުމެއްގައި މަޝްވަރާކޮށްގެންނެވެ.
މަޖިލީހުގައި މިހާރު ތިއްބަވަނީ އެމްޑީޕީގެ 65 މެމްބަރުން، ޕީޕީއެމްގެ 6 މެމްބަރުން، ޖުމްހޫރީ ޕާޓީގެ 5 މެމްބަރުން، އެމްޑީއޭގެ 2 މެމްބަރުން، ޕީއެންސީގެ 3 މެމްބަރުން އަދި އަމިއްލަ 6 މެމްބަރުންނެވެ.
