ކ. ރިހިވެލި ރިސޯޓް ކައިރިން ސްނޯކްލިން އަށް ގޮސް އުޅުނު ޔޫކްރެެންގެ ފަތުރުވެރިޔަކު ގެނބިގެން މަރުވެއްޖެއެވެ.

މަރުވެފައިވަނީ އުމުރުން 48 އަހަރުގެ ފިރިހިނެކެވެ. ފުލުހުން ބުނީ، ފަތުރުވެރިއަކު ގެނބިގެން މަރުވި ހަބަރު ހޯމަ ދުވަހު މެންދުރު 11:39 ހާއިރު ފުލުހަށް ލިބިފައިވާ ކަމަށެެވެ.

ފުލުހުން ބުނީ، އެމީހާ ގުރައިދޫ ހެލްތް ސެންޓަރަށް ގެންދިޔައިރުވެސް މަރުވެފައިވާ ކަމަށް ޑޮކްޓަރުން މައުލޫމާތު ލިބިފައިވާ ކަމަށެވެ.

އެ މީހާ މަރުވެފައިވަނީ ސްނޯކްލިން އަށް ގޮސް އުޅެނިކޮށް ފިޓްޖެހިގެން ކަމަށް ފުލުހުން ބުންޏެވެ. ފުލުހުން ދަނީ މި ހާދިސާ ތަހްގީގު ކުރަމުންނެވެ. މި ފަހަކަށް އައިސް ގެނބިގެން ފަތުރުވެރިން މަރުވާ އަދަދު ވަނީ ގިނަވެފައެވެ. ފަތުރުވެރިންގެ ސަލާމަތާއި ރައްކާތެރިކަމަށް ޓޫރިޒަމް މިނިސްޓްރީން ދަނީ އެކި ކަހަލަ ޕްރޮގްރާމްތައް ހިންގަމުންނެވެ.