ކޮރޯނާވައިރަސް ޖެހިގެން މަރުވި މީހުންގެ އަދަދު 2,619 އަށް، ޗައިނާއިން ބޭރު ގައުމުތަކުން 27 މަރު
24 ފެބުރުއަރީ 2020 | ހޯމަ 06:16ޗައިނާއިން ބޭރުން އެންމެ ގިނަ އަދަދެއްގެ މީހުން މަރުވެފައިވާ އިރާނުން މަރުވެފައިވާ 8 މީހުން
ކޮރޯނާވައިރަސް އަށް ފަރުވާ ހޯދާ މީހުންގެ އަދަދު އަންނަނީ އިތުރުވަމުން
ކޮރޯނާވައިރަސް ޖެހިގެން މިހާތަނަށް އާއިރު މުޅި ދުނިޔެއިން މަރުވި މީހުންގެ އަދަދު 2,619 ށް އަރައިފި އެވެ.
ކޮރޯނާވައިރަސް އެންމެ ބާރަށް ފެތުރެމުންދާ ޗައިނާއިން އެކަނި މިހާތަނަށް އާއިރު 2,582 މީހުން ވަނީ މަރުވެފަ އެވެ. ޗައިނާއިން ބޭރުން މިވައިރަސް ޖެހިގެން 27 މީހުން ވަނީ މަރުވެފަ އެވެ. ޗައިނާއިން ބޭރުން އެންމެ ގިނަ އަދަދެއްގެ މީހުން މަރުވެފައިވާ އިރާނުން މަރުވެފައިވާ 8 މީހުންނެވެ. އެއަށްފަހު ސައުތުކޮރެއާއިންނެވެ. އެއީ 7 މީހުންނެވެ. ޖަޕާނުން 4 މީހުން މަރުވެފައިވާއިރު އިޓަލީން ވަނީ 3 މީހުން މަރުވެފަ އެވެ. ހޮންގ ކޮންގ އިން 2 މީހުން މަރުވެފައިވާއިރު ފިލިޕީންސް ، ފްރާންސް އަދި ތައިވާނުން ވަނީ މިއިން ކޮންމެ ގައުމަކުން އެކަކު މަރުވެފައެވެ.
ޗައިނާއިން މިހާތަނަށް މިވައިރަސް 77,150 މީހުންނަށް ޖެހިފައިވެ އެވެ. މުޅި ދުނިޔެއިން މިވައިރަސް 79,356 މީހުންނަށް ވަނީ ޖެހިފަ އެވެ. މިބައްޔަށް ފަރުވާދީގެން ޗައިނާއިން 24,734 މީހުން ވަނީ ދޫކޮށްލާފަ އެވެ.
މިވައިރަސް އެންމެ ހަލުވި މިނުގައި މިހާރު ފެތުރެމުންދާ ސައުތުކޮރެއާއިން މިހާތަނަށް 763 މީހުންނަށްވަނީ މިވައިރަސް ޖެހިފަ އެވެ.
