ކ. މާލެ
|
23 ފެބްރުއަރީ 2020 | އާދީއްތަ 17:14
ކޮވިޑް-19 ޖެހިފައިވާ މީހުންނަށް ފަރުވާދިނުމުގައި ހަރަކާތްތެރިވާ ޑޮކްޓަރުންތަކެއް
ކޮވިޑް-19 ޖެހިފައިވާ މީހުންނަށް ފަރުވާދިނުމުގައި ހަރަކާތްތެރިވާ ޑޮކްޓަރުންތަކެއް
ޗެނަލް ނިއުސް އޭޝިއާ
ކޯވިޑް-19
ކޯވިޑް-19: ހަތް ގައުމަކަށް ދަތުރުކުރުމުގައި ސަމާލުވުމަށް އެޗްޕީއޭއިން އިލްތިމާސްކޮށްފި
 
ގިނަ މީހުން އެއްވެގެން ހިންގާ ހަރަކާތްތައް ނުބޭއްވުމަށް އިލްތިމާސްކުރަން: އެޗްޕީއޭ
 
ދިވެހިން އާންމުކޮށް ދަތުރުކޮށްއުޅޭ ތައިލެންޑް އަދި ސިންގަޕޫރު ލިސްޓުގައި ހިމެނޭ
 
ލިސްޓުގައި ހިމެނެނީ އޭޝިއާގެ ހަ ގައުމަކާއި ޔޫރަޕުގެ ގައުމެއް

ކޯވިޑް-19 އާ ގުޅިގެން، ހަތް ގައުމަކަށް ދަތުރުކުރުމުގައި ސަމާލުވުމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން އިލްތިމާސްކޮށްފިއެވެ.

ރައްކާތެރިކަމުގެ ފިޔަވަޅެއްގެ ގޮތުން ދަތުރުކުރުމުގައި ހާއްސަ ސަމާލުކަމެއް ދިނުމަށް އިލްތިމާސްކޮށްފައިވާ ގައުމުތަކުގެ ތެރޭގައި ހިމެނެނީ އޭޝިއާގެ ހަ ގައުމަކާއި ޔޫރަޕުގެ ގައުމެކެވެ. މި ގައުމުތަކަށް ދަތުރުކުރުމުގައި ސަމާލުވުމަށް އެދިފައިވަނީ، އެ ގައުމުތަކުގައި ޗައިނާއަށް ދަތުރުކޮށްފައިނުވާ ފަރާތްތަކުގެ ކިބައިން ކޯވިޑް-19 ފެނި، ވައިރަސް ފެތުރެމުން ދިއުމާއި ގުޅިގެންނެވެ.

ދަތުރުކުރުމުގައި ހާއްސަ ސަމާލުކަމެއް ދިނުމަށް އިލްތިމާސްކޮށްފައިވަނީ:

  • ޖަޕާން
  • ސިންގަޕޫރު
  • ހޮންގ ކޮންގ
  • ދެކުނު ކޮރެއާ
  • ތައިލެންޑް
  • އީރާން
  • އިޓަލީވިލާތް

މި ހަތް ގައުމަށް ދަތުރުކުރުމުގައި ސަމާލުވުމަށް އެދިފާވައިވާ ކަންކަމުގެ ތެރޭގައި އެ ގައުމުތަކުގައި ކޯވިޑް-19 ފެތުރޭ މިންވާރާއި ސަރަހައްދުތައް ދެނެގަތުމަށް އެދިފައިވެއެވެ. އަދި އެ ގައުމުތަކުގެ ސަރުކާރުތަކުން ރައްކާތެރިވުމަށް އަޅާފައިވާ ފިޔަވަޅުތައް ދެނެގަނެ، އެކަންކަމަށް އަމަލުކުރުމަށް އެޗްޕީއޭއިން އެދިފައެވެ.

އެޗްޕީއޭއިން ސަމާލުވުމަށް އަންގާފައިވާ ކަންކަން:

  • ރޯގާ ޖެހި ހުންއައިސްފައި ތިބާ މީހުންނާ ކައިރީގައި ނޫޅުން
  • ސައިބޯނި ލައިގެން އަތް ދޮވުން/ ހޭންޑް ސެނިޓައިޒަރ ބޭނުން ކުރުން
  • ދަތުރުކުރުމަށްފަހު އެނބުރި އައިސް، ރޯގާ ޖެހި، ކެއްސާ، ހުންއައުން ފަދަ އަލާމާތެއް ފެނިއްޖެ ނަމަ ގޭގައި މަޑުކުރުން
  • އިތުރަށް ގޯސްވާނަމަ ޑޮކްޓަރަށް ދެއްކުން

މިކަންކަމުގެ އިތުރުން، މި ދުވަސްވަރު ގިނަ މީހުން އެއްވެގެން ހިންގާ ހަރަކާތްތައް ނުބޭއްވުމަށް އެޗްޕީއޭއިން ވަނީ އިލްތިމާސްކޮށްފައެވެ.

ކޯވިޑް-19 ގެ އެއްވެސް ކޭސްއެއް މިހާތަނަށް ރާއްޖެއިން ފެނިފައެއް ނުވެއެވެ. ނަމަވެސް، މި ބަލި އެންމެ ފުރަތަމަ ފެނުނު ޗައިނާގައި އަދިވެސް ބަލި މުޅިން އެއްކޮށް ކޮންޓްރޯލް ވުމާ ގާތަށް ވެސް ނުދެއެވެ. އެގޮތުން މިހާތަނަށް ޗައިނާއިން އެކަނިވެސް މި ބަލީގައި 2443 މަރުވެފައިވާއިރު، 76،940 މީހަކު ވަނީ ވައިރަސްއަށް ޕޮޒިޓިވްވެފައެވެ.

މުޅި ދުނިޔެއަށް ބަލާއިރު، ޖުމްލަ 78،909 ކޭސް ވަނީ ފެނިފައެވެ. މަރުވީ މީހުންގެ އަދަދަކީ 2467 އެކެވެ. ޖުމްލަ 33 ގައުމަކުން މި ބަލި މިހާރު ފެނިފައިވާއިރު، އޭގެ ތެރޭގައި ގިނައީ އޭޝިއާގެ ގައުމުތަކެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
0%
0%
0%
100%
0%
0%
ކޮމެންޓް