މިނިސްޓްރީ އޮފް ޑިފެންސްގެ އާ ވެބްސައިޓް އިފްތިތާފްކޮށްފިއެވެ.
މިވެބްސައިޓް އިފްތިތާފްކޮށްދެއްވީ ރައީސުލްޖުމްހޫރިއްޔާ އަދި ސިފައިންގެ އެންމެ މަތީ ވެރިޔާ އިބްރާހިމް މުހައްމަދު ސޯލިހެވެ. މި ވެބްސައިޓް އިފްތިތާޙްކޮށްދެއްވާފައިވަނީ، ހޯމަ ދުވަހު ކުރިއަށްދިޔަ އެމްއެންޑީއެފްގެ ކޮމާންޑަރސް ކޮންފަރެންސްގެ އިފްތިތާޙީ ޖަލްސާގައެވެ.
މި ވެބްސައިޓަކީ، ސަރުކާރުގެ ވުޒާރާތަކާއި އިދާރާތަކުގެ ވެބްސައިޓްތަކުން، ވީހާވެސް ފަސޭހައިން ރައްޔިތުންނަށް މައުލޫމާތު ލިބޭނެހެން އެއްގޮތް ކުރެއްވުމަށް މިނިސްޓްރީ އޮފް ކޮމިއުނިކޭޝަން، ސައިންސް އެންޑް ޓެކްނޮލޮޖީން ފަށްޓަވާފައިވާ ސްޓޭންޑަރޑައިޒޭޝަން ޕްރޮގްރާމްގެ ދަށުން ފަރުމާކުރެވިފައިވާ ވެބްސައިޓެކެވެ.
މި ވެބްސައިޓް ފަރުމާކުރުމުގައި މިނިސްޓްރީ އޮފް ކޮނިއުނިކޭޝަން، ސައިންސް އެންޑް ޓެކްނޮލޮޖީން ފަންނީ އެހީތެރިކަން ވަނީ ފޯރުކޮށްދީފައެވެ.
