އެންރީކޭ އަށް އަންހެން ދަރިއަކު ލިބިއްޖެ

އިންޓަރނޭޝަން ލަވަކިޔުންތެރިޔާ އެންރީކޭ އިގްލޭސިއަސް އާއި ޓެނިސް ކުޅުންތެރިޔާ އަނާ ކޯނިކޯވް އަށް އަންހެން ދަރިއަކު ލިބިއްޖެއެވެ.

އުމުރުން 44 އަހަރުގެ އެންރީކޭ އަށް ދަރިއަކު ލިބިފައިވާ ކަމުގެ އިޝާރާތެއް ފުރަތަމަ ދީފާއި ވަނީ އެނާ ގެ ބޭބެ ހޫލިއޯ އިގްލޭސީއަސް ދިން އިންޓަވިއުއެއްގައެވެ. މި ކަމާއި ގުޅޭ ގޮތުން އޭނާ އިތުރަށް ވާހަކަ ދައްކާފައެއް ނުވެއެވެ.

ނަމަވެސް ދާދީ ފަހުން އެންރީކޭ ވަނީ އޭނާގެ ދަރިފުޅު އުފަންވީ ދުވަހު ދަރިފުޅާއި އެކު ނަގާފައިވާ ފޮޓޯއެއް އިންސްޓަގްރާމްގައި ހިއްސާކޮށްފައެވެ. މި ފޮޓޯގެ ކެޕްޝަންގައި އޭނާ ވަނީ " މައި ޝަންޝައިން" 30.1.2020" ލިޔެފައެވެ.

އަނާ ވެސް ވަނީ ދަރިދުޅުގެ ފޮޓޯތައް އޭނާގެ އިންސްޓަގްރާމްގައި ހިއްސާކޮށްފައެވެ.

އެންރީކޭ އާއި އަނާ އެންމެ ފުރަތަމަ ބައްދަލު ވެފައި ވަނީ 2001 ވަނަ އަހަރު އެންރީކޭގެ "އެސްކޭޕް" މިއުޒިކް ވީޑިއޯ ހެދި ސެޓުގައެވެ.

އެ ދެމީހުން ސިއްރުން ކައިވެނި ކޮށްފައިވަނީ 2007 ވަނަ އަހަރުއެވެ.

މި ދެ މީހުންނަށް މީގެ ދެއަހަރު ކުރިން ވަނީ އެއްމާބަނޑު އަންހެން ކުއްޖަކާއި ފިރިހެން ކުއްޖެއް ލިބިފައެވެ. އެ ދެކުދިންގެ ނަމަކީ ނިކޮލަސް އާއި ލޫސީ އެވެ.