ޓައިގާ ޝްރޮފަކީ އަންހެން ދުޅައިގެ މީހެއްތަ؟
ރާމް ގޯޕާލް ވަރުމާ ޑައިރެކްޓް ކުރާ "ސަރުކާރު 3" އިން ޓައިގާ ޝްރޮފް ފެނިގެންދާނެ
ޓައިގާ ޝްރޮފް
ކުރި އަރަމުން އަންނަ ބޮލީވުޑްގެ ތަރި ޓައިގާ ޝްރޮފް މާބޮށް އަންހެން ދުޅާ ކަމަށް ބުނެ، މަޝްހޫރު ޑައިރެކްޓަރު ރަމް ގޯޕާލް ވަރުމާ މަލާމާތް ކޮށްފި އެވެ.
އޭނާ މަލާމާތް ކޮށްފައިވަނީ ޓައިގާ ޝްރޮފްގެ ފިލްމެއް ކަމަށްވާ “ބާގީ” އަށް ނަގާފައިވާ ފޮޓޯއެއް ޓްވީޓު ކުރުމަށް ފަހު އެވެ. އެ ފޮޓޯއިން ފެންނަނީ ޓައިގާ މޫދުން އަރައިގެން އަންނަ ތަނެވެ.
ޓައިގާ ޝްރޮފް އަށް މަލާމަތްކޮށް ރާމް ގޯޕާލް ކުރީ އެންމެ ޓުވީޓެއް ނޫނެވެ. ފަސް ޓްވީޓު ކޮށްފައިވެ އެވެ. އެ ޓްވީޓްތަކުގައި ބުނެފައިވަނީ ޓައިގާ ޝްރަފް، އޭނާގެ ބައްޕަ ޖެކީ ޝްރޮފް ކައިރިން ފިރިހެން ވަންތަކަން ދަސްކުރަން ޖެހޭ ކަމަށެވެ.
ފޮޓޯގައި ޓައިގާ ހީވަނީ "ބިކިނީ ބޭބީ"އެއްހެން ކަމަށާއި ބްރޫސްލީ އާއި ޖެކީ ޝްރޮފް އެގޮތަށް ފޮޓޯއަށް ނުހުއްޓޭނެ ކަމަށް ބުނެފައިވެ އެވެ. ރާމް ގޯޕާލް ބުނީ ޓައިގާ ޝްރޮފް މޫދުން އަރައިގެން އަންނަ ފޮޓޯ އިން ހީވަނީ އުރްމިލާ މަތޮންދްކަރް އަރައިގެން އަންނަ ހެން ކަމަށެވެ.
ރާމް ގޯޕާލް ވަރުމާ ޓައިގާއަށް މަލާމާތް ކުރި އިރު ޓައިގާ އަކީ އޭނާ މިހާރު ޑައިރެކްޓުކޮށް ރިލީޒް ކުރުމަށް ތައްޔާރުވަމުން އަންނަ ފިލްމު "ސަރްކާރް 3" ގައި ފެނިގެންދާނެ ތަރިކެވެ. ރާމް ގޯޕާލް އަކީ އާންމުކޮށް ޓްވިޓާގައި މީހުންނަށް މަލާމަތް ކުރާ މީހެއް ކަމަށް ރިޕޯޓުތައް ބުނެ އެވެ.
