ކުރިއަށް އޮތް ލޯކަލް ކައުންސިލް އިންތިހާބުގައި ވޯޓްލާނީ އިލެކްޝަންސް ކޮމިޝަންގެ މެމްބަރުން މަގާމުން ވަކިކުރުމަށް ފަހު، އާ ކޮމިޝަނަކާއެކުގައި ކަމަށް އެމްޑީޕީގެ ޗެއާޕާސަންގެ ނައިބް އަލީ ނިޔާޒު ވިދާޅުވެއްޖެއެވެ.

"ލާމަރުކަޒީ ރާއްޖެ" ނަމުގައި ނައިފަރުގައި ބޭއްވި ޖަލްސާގައި ހުކުރު ދުވަހުގެ ރޭ ވާހަކަ ދައްކަވަމުން އަލީ ނިޔާޒު ވިދާޅުވީ ރާއްޖޭގެ މިނިވަން ކަމާއި ސިޔާދަތާއި ގައުމީއްޔަތު ހިމާޔަތް ކުރުމަށް ހުރިހާ ސިޔާސީ ޕާޓީތައް އެކުގައި މަސައްކަތް ކުރަން ފެށުމުން ރާއްޖެ ހަމަގަށް އެޅުވުމަށް އެމްޑީޕީން ކުރަމުންދާ މަސައްކަތުގެ އުންމީދު އާވެއްޖެ ކަމަށެވެ. މި މަސައްކަތުގައި މިނިވަން މުއައްސަސާތަކުގެ މިނިވަންކަން ކަށަވަރުކުރުމަށް ކުރާ މަސައްކަތުގެ ތެރެއިން އިލެކްޝަންސް ކޮމިޝަންގެ މެމްބަރުން މަގާމުން ވަކިކޮށް އެކޮމިޝަން މިނިވަންކުރާނެ ކަމަށް އަލީ ނިޔާޒު ވިދާޅުވިއެވެ. އެ މަސައްކަތް ކުރާނީ މަޖިލީހުގެ ރައީސް އަބްދުﷲ މަސީހު މަގާމުން ދުރުކޮށް، ޕާޓީތަކަށް އެއްބަސްވެވޭ ގާނޫނީ މަގުޗާޓާ އެއްގޮތަށް ކަމަށް އޭނާ ވިދާޅުވި އެވެ. 

އިލެކްޝަން ކޮމިޝަންގެ މެމްބަރުން މަގާމުން ވަކިކުރަން ޖެހޭ ސަބަބީ ގާނޫނު އަސާސީއާއި ހިލާފަށް އެކޮމިޝަންގެ މެމްބަރުން އަމަލުކުރައްވަތީ ކަމަށް ނިޔާޒު ވިދާޅުވިއެވެ. ގާނޫނު އަސާސީގައި ކަނޑައަޅާފައިވާ ތާރީހްތަކުގައި އިންތިހާބުތަށް ނުބާއްވާ ކޮމިޝަންގެ މެމްބަރުން ދަނީ ރައްޔިތުން ދަނީ އޮޅުވާލަމުން ކަމަށް ވެސް ނިޔާޒު ވިދާޅުވިއެވެ.

"ކުރިއަށް އޮތް ލޯކަލް ކައުންސިލް އިންތިހާބުގެ ކުރިން އިލެކްޝަން ކޮމިޝަންގެ މެމްބަރުން މަގާމުން ވަކިކޮށް. ، މެއި 6 ވަނަ ދުވަހު މިނިވަން އިންސާފްވެރި އިންތިހާބެއް ބާއްވާނި މުޅިން އައު ކޮމިޝަނަކާއި އެކު، އިލެކްޝަން ކޮމިޝަންގެ މެމްބަރުން ހައްދަވަނީ ކަނޑައެޅިގެން ބުހުތާން ދޮގުކަން މިވަނީ ފަޅާއަރާފައި، ރޯގާ ފެތެރޭކަމަށް ބުނެ ކައުންސިލް އިންތިހާބު ފަސްކުރުމުން ، ސަރުކާރުން ސުކޫލުތަށް ހުޅުވީ" އަލީ ނިޔާޒު ވިދާޅުވިއެވެ.

ޖެނުއަރީ މަހުގެ 14 ވަނަ ދުވަގހު ބޭއްވުމަށް ހަމަޖެހިފައިވާ ލޯކަލް ކައުންސިލް އިންތިހާބު ވަނީ ތިން ފަހަރު ވަނީ ފަސްކޮށްފައެވެ.  މިކަމާއި ގުޅިގެން އިދިކޮޅު ސިޔާސީ ޕާޓީތަކާއި އާންމު ރައްޔިތުން ދަނީ ކަންބޮޑުވުން ފާޅުކުރަމުނެވެ.

ނިޔާޒު ވިދާޅުވީ ލާމަރުކަޒީ ނިޒާމަކީ އެމްޑީޕީގެ ސަރުކާރުން ގެނެއައި ނިޒާމެއް ކަމަށާއި އެނިޒާމް ރައީސް އަބްދުﷲ ޔާމީންގެ ސަރުކާރުން ލާމަރުކަޒީ ނިޒާމް ފުނޑާލާފައިވާ ކަމަށެވެ. އެހެންކަމުން އެ ނިޒާމްގެ ދިފާއުކުރުމަށްޓަކައި ރައްޔިތުން އެމްޑީޕީގެ ކެނޑިޑޭޓުންނަން ވޯޓް ދޭންޖެހޭ ނިޔާޒު ވިދާޅުވިއެވެ.

ރައްޔިތުންގެ މަޖިލީހުގެ ރައީސް އަބްދުﷲ މަސީހުގެ އިތުބާރުނެތް ކަމުގެ މައްސަލަ މާޗް 27 ވަނަ ދުވަހު ފާސްވެއްޖެނަމަ ، ގާނޫނުތަކަށް އިސްލާހް ގެންނަން ޖެހޭ ކަމަށާއި އެންމެ އިސްކަމެއް ދީގެން ކައުންސިލަތަށް ބާރުވެރިކަން ލިބޭގޮތަށް ގާނޫނު އިސްލާހް ކުރާނެ ކަމަށް ނިޔާޒު ވިދާޅުވިއެވެ.

 "ރައްޔިތުންގެ މަޖިލީހުގެ ރައީސް މަސީހްގެ އިތުބާރު ނެތްކަމަށް ފާސްކުރުމަށް ފަހު ގާނޫނުތަކަށް ބަދަލުގެންނާނަން، އެންމެ ފުރަތަމަ ވެސް އިދާރީ ދާއިރާތަށް ލާމަރުކަޒީ ނިޒާމުން ހިންގުމުގެ ގާނޫނަން ބަދަލުގެނެސް ކައުންސިލް ތަކަށް ބާރުވެރިކަން ހޯދަދޭނަން، ރާއްޖޭގެ އެކި ކަންކޮޅުތަކުގައި ތިއްބެވި ކައުންސިލްތަކަށް ދިމާވެފައިވާ އެންމެ ބޮޑު ގޮންޖެހުމަކީ ކައުންސިލް ތަކަށް އެރަށްރަށުގެ ރައްޔިތުން ދިރިއުޅުމަށްޓަކައި ބަންޑާރަ ގޯތި އަދި ބިން ދޫނުކުރެވުން، އެހެންނަމަވެސް އެމްޑީޕީން މަޖިލީހުގެ ތެރެއިން އެކަން ހައްލުކޮށްދޭނަން" އަލީ ނިޔާޒު ވިދާޅުވިއެވެ.