ވެބްސައިޓް ޑިވެލޮޕްކޮށްދިނީ މިނިސްޓްރީ އޮފް ކޮމިއުނިކޭޝަން ސައިންސް އެންޑް ޓެކްނޮލޮޖީ
ވެބްސައިޓް އިފްތިތާހްކުރި ރަސްމިއްޔާތުގެ ތެރެއިން
ގަވް ޑޮޓް އެމްވީ ޕޯޓަލްއަށް ފިޝަރީޒް މިނިސްޓްރީ ވެބްސައިޓް ބަދަލުކޮށް އިފްތިތާޙުކޮށްފިއެވެ.
މިވެބްސައިޓް އިފްތިތާޙުކޮށްދެއްވީ މިނިސްޓަރ އޮފް ފިޝަރީޒް އެންޑް މެރިން ރިސޯސަސް ޒަހާ ވަހީދެވެ. އަދި ވެބްސައިޓް ޑިވެލޮޕްކޮށްދިނީ މިނިސްޓްރީ އޮފް ކޮމިއުނިކޭޝަން ސައިންސް އެންޑް ޓެކްނޮލޮޖީންނެވެ.
މިވެބްސައިޓް އިފްތިތާޙުކުރުމަށްފަހު ނޫސްވެރިންނަށް މަޢުލޫމާތު ދެއްވަމުން މިނިސްޓަރު މަލީހު ޖަމާލު ވިދާޅުވީ އިނިޝިއޭޓެއް ގަވް ޑޮޓް އެމްވީއަށް ސަރުކާރުގެ މައިގަނޑު އިދާރާތައް ބަދަލު ކުރުމުގެ މަސައްކަތް މީގެ މަސްތަކެއް ކުރިން ފަށާފައިވާ ކަމަށެވެ.
މިނިސްޓަރު މަލީހު ވިދާޅުވީ އެކި މިނިސްޓްރީތަކުގެ ވެބްސައިޓް ފަރުމާކޮށްފައިވަނީ އެކިގޮތްގޮތަށް ކަމަށާއި، ގަވް ޑޮޓް އެމްވީގެ ތެރެއިން ސަރުކާރު ފެންނާނީ އެއްތަނެއްގެ ގޮތުގައި ކަމަށެވެ. އޭގެ ސަބަބުން މަޢުލޫމާތު ހޯދުމަށް ފަސޭހަވެގެންދާ ކަމަށް މިނިސްޓަރު ވިދާޅުވިއެވެ.
މިމަސައްކަތް ނިމުމާއެކު، މިނިސްޓްރީތަކުގަ ބެކް އޮފީސް އޮޓޮމެޓޭޝަންގެ މަސައްކަތް ވެސް ކުރިއަށްދާނެކަން މިނިސްޓަރު މަލީހު ފާހަގަކުރެއްވިއެވެ. މީގެ އިތުރުން މިނިސްޓަރު މަލީހު ވިދާޅުވީ މަސައްކަތް އަވަސްކޮށް ރައްޔިތުންނަށް ދެވޭ ޚިދުމަތް އަވަސްކުރުމަށްޓަކައި އިތުރު މުހިންމު މަސައްކަތްތަކެއް ފެށިފައިވާ ކަމަށާއި، އޭގެ މައުލޫމާތު ވަރަށް އަވަހަށް ހާމަކުރާނެ ކަމަށެވެ.
ފިޝަރީޒް މިނިސްޓަރު ޒަހާ ވިދާޅުވީ ގަވް ޑޮޓް އެވީ ޕޯޓަލްއަށް މިނިސްޓްރީގެ ވެބްސައިޓް ބަދަލުކުރެވިގެން ދިއުމަކީ ލިބުނު ވަރަށް ބޮޑު ކުރިއެރުމެއް ކަމަށެވެ.
މިނިސްޓަރު ޒަހާ ވިދާޅުވީ މިފްލެޓްފޯމްގެ ދަށުން ރައްޔިތުންނަށް ވަރަށް ލުއިފަސޭހަތައް ލިބިގެންދާނެ ކަމަށެވެ.
