ނޮވެލް ކޮރޯނާވައިރަސް ދުނިޔެއަށް ފެތުރުމުގެ ނުރައްކާ ބޮޑުކަމަށް ދުނިޔޭގެ ޞިއްޙަތު ޖަމިއްޔާއިން ކަނޑައަޅައިފި
ޗައިނާއިން މިހާތަނަށް އާއިރު މިވައިރަސްގެ އަސަރުކޮށްގެން 106 މީހަކު ވަނީ މަރުވެފައި
ކޮރޯނާވައިރަސް އިން ރައްކާތެރިވުމުގެ ފިޔަވަޅުތައް އަންނަނީ އަޅަމުން
ކޮރޯނާވައިރަސް މުޅި ދުނިޔެއަށް ފެތުރުމުގެ ނުރައްކާ ބޮޑުކަމަށް ދުނިޔޭގެ ޞިއްޙަތު ޖަމްޢިއްޔާއިން ކަނޑައަޅައިފި އެވެ.
ދުނިޔޭގެ ޞިއްޙަތު ޖަމްޢިއްޔާއިން ބުނެފައިވަނީ މިވައިރަސް ޗައިނާގައި ފެތުރުމުގެ ނުރައްކާ ވަރަށް ބޮޑުކަމަށެވެ. ޗައިނާއިން މިހާތަނަށް އާއިރު މިވައިރަސްގެ އަސަރުކޮށްގެން 106 މީހަކު ވަނީ މަރުވެފަ އެވެ. އަދި މިވައިރަސްގެ އަސަރު ޗައިނާގެ 4583 މީހުންނަށްކޮށްފައިވެއެވެ. އަދި ޗައިނާއިން ބޭރުން މިވައިރަސްގެ އަސަރުކޮށްގެން 70 ކޭސް މިހާތަނަށް އާއިރު ރިޕޯޓު ކޮށްފައިވެއެވެ.
މިކަމާއި ގުޅިގެން ޗައިނާއަށް ނުދިޔުމަށް އެކި ޤައުމުތަކުން އެޤައުމުތަކުގެ ރައްޔިތުންނަށް އަންނަނީ އަންގަމުންނެވެ. އަދި ޗައިނާ މީހުން ޤައުމުތަކަށް ނޭރުވުމަށް ގޮވާލާ ބައެއް ޤައުމުތަކުގެ ރައްޔިތުން އަަޑުއުފުލާއިރު އަނެއް ބައި ޤައުމުތަކުން ވަނީ ޗައިނާ މީހުން އެޤައުމުތަކަށް އެރުން މަނާކޮށްފައެވެ.
