ހޮނިހިރު 22 ފެބުރުއަރީ 2020
ހިޔަވިހާ 9
1441 ޖުމާދުލް އާހިރަތު 28
ފަތިސް 05:06
އިރުއަރާ 06:18
މެންދުރު 12:24
އަސްރު 15:39
މަޣްރިބް 18:22
އިޝާ 19:34
ރާއްޖެ - ލޯންޗެއް ބަންޑުން ޖަހާލުން

7 މީހުންނާއެކު ދަތުރު ކުރަމުންދިޔަ ލޯންޗެއް ބަންޑުން ޖަހާލައި އެކަކު މަރުވެއްޖެ

  • މިހާދިސާގެ ރިޕޯޓް ފުލުހުންނަށް ލިބިފައިވަނީ ބުދަ ދުވަހުގެ ހަވީރު 17:48 ގައި
  • ލޯންޗު ބަންޑުން ޖަހާލާފައިވަނީ އެ ރިސޯޓުގެ ނެރުމައްޗަށް
  • ރިސޯޓުގެ ފަރާތުން ޑިންގީއެއް އެ ސަރަޙައްދަށް ގޮސް މީހުން ސަލާމަތް ކޮށްފައިވާއިރު އެކަކު ހޭނާރާ

ލައިޝާ އަހްމަދު
LailaAhmeds

ކ. މާލެ 22 ޖެނުއަރީ 2020 | ބުދަ 20:53 4,878

ނޮކޫ މޯލްޑިވްސް އައިލެންޑް ރިސޯޓް - ގޫގުލް

ނޮކޫ މޯލްޑިވްސް އައިލެންޑް ރިސޯޓަށް ފަތުރުވެރިން ގޮވައިގެން ދަތުރުކުރަމުންދިޔަ ލޯންޗެއް ބަންޑުން ޖަހާލައި އޭގެން ދަތުރުކުރި މީހަކު މަރުވެއްޖެއެވެ.

އެކަމާ ގުޅޭގޮތުން ފުލުހުން ބުނީ، ލޯންޗު ބަންޑުން ޖަހާލި ކަމުގެ ރިޕޯޓް ފުލުހުންނަށް ލިބިފައިވަނީ ބުދަ ދުވަހުގެ ހަވީރު 17:48 ގައި ކަމަށާއި، ލޯންޗު ބަންޑުން ޖަހާލާފައިވަނީ އެ ރިސޯޓުގެ ނެރުމައްޗަށް ކަމަށެވެ. އަދި ލޯންޗުން އޭރު ދަތުރުކުރީ 7 މީހުން ކަމަށާއި، މަރުވެފައިވަނީ ލޯންޗުން ދަތުރުކުރި 51 އަހަރުގެ ދިވެހި ފިރިހެނެއް ކަމަށެވެ. އަދި އޭނާ މަރުވެފައިވާކަމުގެ މައުލޫމާތު ބުދަ ދުވަހުގެ ރޭ 19:50 ގައި ލިބިފައިވާ ކަމަށް ފުލުހުން ބުނެއެވެ.

ފުލުހުން ބުނީ 51 އަހަރުގެ މީހާއަށް ލޮނު ބޮވުމުގެ ހޭނާރާތީ އޭނާ ނ މަނަދޫ ހެލްތު ސެންޓަރަށްވެސް ގެންދިޔަ ކަމަށެވެ. އަދި އޭނާއަކީ ރިސޯޓުގައި މަސައްކަތެއް ކުރަން ދިޔަ މީހެއްކަމަށްވެސް ބުނެފައިވެއެވެ.

މި ހާދިސާގެ މައުލޫމާތު ލިބުމާއެކު ރިސޯޓުގެ ފަރާތުން ޑިންގީއެއް އެ ސަރަޙައްދަށް ގޮސް ކަނޑުވި މީހުން ސަލާމަތް ކޮށްފައިވާކަމަށް ފުލުހުން ބުނެއެވެ.

އެންމެ ފަހުން އަޕްޑޭޓް ކުރީ: 4 ހަފްތާކުރިން | ރިވިއު ކުރީ: އަމަން ހަލީމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް