އާދީއްތަ 09 އޯގަސްޓު 2020
12 އަހުލިހަ
1441 ޒުލްޙައްޖު 19
ފަތިސް 04:47
އިރުއަރާ 06:02
މެންދުރު 12:15
އަސްރު 15:32
އިރުއޮއްސޭ 18:22
އިޝާ 19:36
އިންޑިއާ

ކަޝްމީރުގެ ހަނގުރާމެވެރިންނަށް އެހީވިކަމުގެ ތުހުމަތު އިންޑިއާގެ ފުލުސް އޮފިސަރަކަށް

  • ފުލުހުން ވަނީ ދަވިންދަރްގެ ގެއިން އޭކޭ 47 ގެ ރައިފަލް އެއް ހޯދާފައި
  • މައްސަލަ ދަނީ ތަހުގީގު ކުރަމުން
  • ފައިސާ ނެގިކަމަށް ތުހުމަތު ކުރެވޭ

ކ. މާލެ | 15 ޖެނުއަރީ 2020 | ބުދަ 02:18 | 5,341

ދަވިންދަރް ސިންހް - ފޭސްބުކް

ކަޝްމީރުގެ ހަނގުރާމެވެރި ޖަމާއަތެއް ކަމަށްވާ ހިޒްބުލް މުޖާހިދީންގެ އިސް ދެ ހަނގުރާމަވެރިން ޖައްމޫ ކަޝްމީރަށް އެތެރެ ކޮށްދިން ކަމުގެ ތުހުމަތުގައި ހައްޔަރުކުރި ޖައްމޫ ކަޝްމީރްގެ ޕޮލިސް ޑެޕިއުޓީ ސުޕްރިޑެންޓް ދަވިންދަރް ސިންހްގެ މައްސަލަ ތަހްގީގުކުރަން ފަށައިފިއެވެ.

ގިނަ ދުވަސްތަކެއް ވަންދެން ފުލުހުންގެ ހިދުމަތުގައި މަސައްކަތް ކުރައްވަމުން ގެންދަވާ ދަވިންދަރް ސިންހް ހައްޔަރު ކޮށްފައިވަނީ މި ހިނގާ މަހުގެ 11 ވަނަ ދުވަހު ޖައްމޫ ކަޝްމީރުގެ ކުލްގަމް ޑިސްޓްރިކްޓްގެ ޖަވާހަރް ޓަނެލްގެ ކުރިން އޮންނަ މިރްޒް ބާޒަރް ސަރަހައްދުންނެވެ.

ފުލުހުން ހުއްޓުވި ކާރު ތެރޭގައި ސިންހް، ހިޒްބުލް މުޖާހިދީންގެ ދެ ހަނަގުރާމަވެރިން ކަމަށްވާ ނަވީދް ބާބޫ އާއި އާސިފް ހުރި ކަމަށް ފުލުހުން ބުންޏެވެ. ބާބޫ އަށް ތުހުމަތު ކުރެވެނީ ކަޝްމީރުގެ ބޭރުގައި 11 މީހަކު މަރާލި ހާދިސާގައި ބައިވެރިވި ކަމުގެ ތުހުމަތެވެ.

ފުލުހުންގެ ތަހްގީގަށް ދަވިންދަރް ވިދާޅުވެފައިވަނީ، އޭނާއާ ހިޒްބުލްގެ ހަނގުރާމަވެރިންނާ އެއްވެސް ގުޅުމެއް ނުވާ ކަަމަށާއި، އެމީހުން ގޮވައިގެ ދިޔައީ ހައްޔަރު ކުރުމަށް ކަމަށެވެ.

ބައެއް މަސްދަރުތައް ބުނާ ގޮތުން ހަނގުރާމަވެރި ޖަމާއަތުން ވަނީ ދަވިންދަރް އަށް އެ މީހުން ގެންގޮސް ދިނުމަށް 1.2(އެކެއް ޕޮއިންޓް ދޭއް މިލިއަން) ރުޕީސް ދީފައެވެ. ފުލުހުން ވަނީ ސްރިނަގާރް ގައި ހުންނަ ދެވިންދަރްގެ ގެއިން އެކޭ 47 ގެ ރައިފަލް އާއި ދެ ފިސްތޯލު ހޯދާފައެވެ.

އެންމެ ފަހުން އަޕްޑޭޓް ކުރީ: 4 މަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.