ވެލާނާ އިންޓަނޭޝަނަލް އެއާޕޯޓު (ވީއައިއޭ) އިން ކަރަންޓު ކެނޑިގެން ދިޔައީ ޓެކްނިކަލް މައްސަލައަކުން ކަމަށް ވީއައިއޭ ހިންގާ، މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން ބުނެފި އެވެ.
އެމްއޭސީއެލްއިން ބުނީ ކަރަންޓު ކެނޑުނީ އިންޖީނަކަށް ދިމާވި ޓެކްނިކަލް މައްސަލައެއްގެ ސަބަބުން ކަމަށާއި މިހާރު މައްސަލަ ހައްލުކޮށް ކަރަންޓު ވެސް ދީފައިވާ ކަމަށެވެ.
އެނގިފައިވާ ގޮތުގައި، އެއާޕޯޓުން ކަރަންޓު ކަނޑައިގެން ގޮސްފައިވަނީ އަންގާރަ ދުވަހުގެ ހެނދުނު 08:30 ހާއިރު އެވެ. އަދި ކަރަންޓް ލިބުނީ އޭގެ 20 މިނެޓް ފަހުން ކަމަށް ވެއެވެ.
މިދިޔަ މަހުގެ ތެރޭގައި ވެސް މުޅި އެއާޕޯޓުން ވަނީ ކަރަންޓު ގޮސްފައެވެ. އެފަހަރު ކަރަންޓު ގޮސްފައިވަނީ އެއާޕޯޓުން 10 މިނެޓަށް ކަމަށް އެމްއޭސީއެލް އިން ވަނީ ބުނެފައެވެ.
