ކ. މާލެ
|
13 ޖެނުއަރީ 2020 | ހޯމަ 13:09
ބ.އޭދަފުށި
ބ.އޭދަފުށި
އޭދަފުށި ޓައިމްސް
އޭދަފުށި
އޭދަފުށީ ހިއްކިބިމުން ދޫކުރާ ގޯތިތަކަށް ކުރިމަތިލުމުގެ ފުރުސަތު ހުޅުވާލައިފި
 
އަންނަ މަހުގެ 13ގެ ކުރިން ފޯމް ހުށަހަޅަންޖެހޭ
 
ދޫކުރަނީ 1400 އަކަފޫޓްގެ ބަންޑާރަ ގޯތި
 
158 ގޯތި ދޫކުރުމަށް ވަނީ ނިންމާފައި

ބ. އޭދަފުށީގެ ހިއްކިބިމުން ދޫކުރާ ގޯތިތަކަށް ކުރިމަތިލުމުގެ ފުރުސަތު ހުޅުވާލައިފިއެވެ.

އޭދަފުށި ކައުންސިލުން ބުނީ އޭދަފުށީ ހިއްކިބިމުން ދިރިއުޅުމަށްޓަކާ، ބަންޑާރަ ގޯތީގެ ގޮތުގައި 1400 އަކަފޫޓްގެ 158 ގޯތި ދޫކުރުމަށް ނިންމާފައިވާ ކަމަށެވެ. އެހެންކަމުން ގޯތި ބޭނުންވާ ފަރާތްތަކުން އެކަމަށްއެދި ކުރިމަތިލުމުގެ ފުރުސަތު ހުޅުވާލާފައިވާ ކަމަށެވެ.

ކައުންސިލުން ބުނީ ގޯތި ބޭނުންވާ ފަރާތްތަކުން ''ބ. އޭދަފުށިން ދިރިއުޅުމަށްޓަކައި ބަންޑާރަ ގޯއްޗަށް އެދޭ ފޯމް" ފުރިހަމަކުރެއްވުމަށްފަހު، 13 ފެބްރުވަރީވާ ބުރާސްފަތި ދުވަހުގެ 13.30 ގެ ކުރިން ފޯމްގެ އަސްލު އެއިދާރާއަށް ހުށަހެޅުމަށް އެދޭ ކަމަށެވެ. އަދި މިނޫންގޮތަކަށް ހުށަހަޅާފޯމް ބަލައިނުގަނެވޭނެ ކަމަށް ކައުންސިލުން ބުނެއެވެ.

މީގެ އިތުރުން ކައުންސިލުން ބުނީ ފޯމް ބަލައިގަތުމަށް ހަމަޖެހިފައިވަނީ 14 ޖަނަވަރީ ވާ އަންގާރަ ދުވަހުން ފެށިގެން 13 ފެބްރުވަރީ ވާ ބުރާސްފަތި ދުވަހުގެ 13:30 ގެ ނިޔަލަށް ރަސްމީ ބަންދު ނޫން ކޮންމެ ދުވަހެއްގެ ހެނދުނު 08.30 ން 13.30 ގެ ނިޔަލަށް ކަމަށެވެ.

ކައުންސިލުން ބުނީ އޭދަފުށިން ދިރިއުޅުމަށްޓަކައި ބަންޑާރަ ގޯއްޗަށް އެދޭ ފޯމް ރަސްމީގަޑީގައި އެއިދާރާއިން ލިބޭނެ ކަމަށެވެ. އަދި ކައުންސިލްގެ ވެބްސައިޓުން ޑައުންލޯޑް ކުރެވޭނެ ކަމަށެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަމަން ހަލީމް
0%
0%
0%
0%
0%
100%
ކޮމެންޓް