ކައުންސިލް އިންތިހާބުގައި އަދާލަތު ޕާޓީގެ ޓިކެޓްގައި ވާދަކުރުމުގެ ފުރުސަތު ހުޅުވާލައިފި
6 ޖެނުއަރީ 2020 | ހޯމަ 13:17ފޯމް ހުށައަޅަން ޖެހެނީ 23 ގެ ކުރިން
އަދާލަތު ޕާޓީގެ ބައްދަލުވުމެއްގެ ތެރެއިން
މި ހިނގާ 2020 ވަނަ އަހަރު ބޭއްވުމަށް ހަމަޖެހިފައިވާ ލޯކަލް ކައުންސިލްތަކުގެ އިންތިހާބާއި އަންހެނުންގެ ތަރައްގީ އަށް މަސައްކަތްކުރާ ކޮމިޓީތަކުގެ އިންތިހާބުގައި ވާދަކުރުމަށް އަދާލަތު ޕާޓީގެ ޓިކެޓު ދިނުމަށް އެދި ހުށަހެޅުމަށް ހުޅުވާލައިފިއެވެ.
އަދާލަތުން ވަނީ، އިންތިޚާބުގައި ވާދަކުރުމަށް އެ ޕާޓީގެ ޓިކެޓު ދިނުމަށް އެދޭ ފަރާތްތަކުން މި ހިނގާ ޖެނުއަރި މަހުގެ 26 ގެ މެންދުރުފަހު 15:00 ގެ ކުރިން ޕާޓީގެ ޓިކެޓަށް އެދޭ ފޯމާއި، ގާނޫނީ ފޯމް ފުރިހަމަކުރުމަށް ފަހު ޢަދާލަތު ޕާޓީގެ މައި އޮފީސް، ހ.ފުލިދޫގެ، ތިންވަނަ ފަންގިފިލާ އަށް ހުށައެޅުމަށް އެދިފައެވެ. އަދި ފޯމް ޕާޓީގެވެބްސައިޓުންއަދި ޕާޓީގެ މައި އޮފީހުން ލިބެންހުންނާނެ ކަމަށް އަދާލަތުން ބުންޏެވެ.
އަދާލަތުގެ ޓިކެޓްގައި އިންތިހާބުގައި ވާދަކުރަން ބޭނުންވާ ފަރާތްތަކަށް ކުރިމަތިލުމަށް ހުޅުވާލާފައިވާއިރު، ސަރުކާރު މައި ޕާޓީ އެމްޑީޕީ އާއި އިދިކޮޅު ޕީޕީއެމް/ޕީއެންސީން ވެސް ވަނީ އެ ޕާޓީގެ ޓިކެޓްގައި ކައުންސިލް އިންތިހާބުގައި ވާދަކުރަން ބޭނުންވާ ފަރާތްތަކަށް ފޯމު ހުށައެޅުމަށް ފުރުސަތު ހުޅުވާލާފައެވެ.
