ލަންކާގަ ޗުއްޓީ ހޭދަކޮށްލެއްވުމަށް ފަހު ރައީސް މާލެ ވަޑައިގެންފި
ލަންކާ އަށް ވަޑައިގެންނެވީ 31 ޑިސެމްބަރު ގައި
ރައީސް ސޯލިހު ބޭރަށް ކުރެއްވި ދަތުރުފުޅެއް ނިންމަވާލެއްވުމަށް ފަހު މާލެ ވަޑައިގަތުމުގެ ތެރެއިން
އާއަަަހަރުގެ ޗުއްޓީ ހޭދަކޮށްލެއްވުމަށް ސްރީލަންކާއަށް ކުރެއްވި ނުރަސްމީ ދަތުރުފުޅު ނިންމަވާލެއްވުމަށް ފަހު ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙު މާލެ ވަޑައިގެންފި އެވެ.
ރައީސް ސްރީލަންކާ އަށް ވަޑައިގެންނެވީ ހުސްވި ޑިސެމްބަރު މަހުގެ 31 ވަނަ ދުވަހުއެވެ.
ރައީސްގެ ޢާއިލާގެ ބައެއް ބޭފުޅުން ދިރިއުޅުއްވަމުން ގެންދަވަނީ ސްރީ ލަންކާގައެވެ. މި އަހަރުގެ ކުރީކޮޅުވެސް ރައީސް ވަނީ ލަންކާ އަށް ނުރަސްމީ ދަތުރުފުޅުތަކެއް ކުރައްވާފައެވެ.
ވެރިކަމާއި ޙަވާލުވެވަޑައިގަތް ފަހުން ސްރީލަންކާގެ މިނިވަން ދުވަސް ފާހަގަކުރުމަށް ބޭއްވި ރަސްމިއްޔާތުގަ ބައިވެރިވެ ވަޑައިގަތުމަށް ކުރީގެ ބޮޑު ވަޒީރު ރަނިލް ވިކްރަމަސިންހާގެ ދަޢުވަތަކަށް ރައީސް ޞާލިހު އެ ޤައުމަށް ދަތުރުފުޅެއް ކުރެއްވިއެވެ. އެ ދަތުރުފުޅުގައި ރައީސް ޞާލިޙު ވަނީ ލަންކާގައި ދިރިއުޅެމުންދާ ދިވެހިންނާވެސް ބައްދަލުކުރައްވާފައެވެ.
