ލަންކާ އަސްކަރިއްޔާގެ އެއަރކްރާފްޓެއް ވެއްޓި ހަތަރު މަރު
3 ޖެނުއަރީ 2020 | ހުކުރު 07:15ހަތަރު މީހުން ވަނީ މަރުވަފައި
އަލީ ސަމާޚް | 3 ޖެނުއަރީ 2020 | ހުކުރު 07:15
ދަތުރުކުރި ހަތަރު މީހުން ވަނީ މަރުވެފައި
ސްރީލަންކާ އެއާޕޯސްގެ އެއަރކްރާފްޓެއް ވެއްޓި އެ އުޅަނދުން ދަތުރުކުރި ހަތަރު މީހުން މަރުވެއްޖެއެވެ.
ހުކުރު ދުވަހު ހެނދުނު ހަޕުތާލެ ސަރަހައްދަށް ވެއްޓުނު އެއާކްރަފްޓަކީ ވީރަވިއްލާ އެއާޕޯޓުން ފުރައިގެން ދަތުރުކުރި ބޯޓެކެވެ. ވެއްޓުނު އެއަރްކްރާފްޓަކީ ޗައިނާގެ އުފެއްދުމެކެވެ.
ލަންކާގެ ސިފައިންނާ ހަވާލާދީ ބައެއް ނޫސްތަކުން ރިޕޯޓްކުރާ ގޮތުން ބޯޓުގައި ދަތުރުކުރި ހަތަރު މީހުންނަކީ ވެސް ސިފައިންގެ މީހުންނެވެ. އެ އެންމެންވެސް ވަނީ މަރުވެފައެވެ.
ހަދިސާ ހިނގި ސަރަހައްދުގައި ސިފައިންގެ ޓީމެއް އަންނަނީ ހަރަކާތްތެރިވަމުންނެވެ.
