ރާއްޖެއަށް އޮތް ހައްލަކީ ވަރޓިކަލް ސިޓީޒް: މަލީހު
ވަކާލާތު ކުރައްވަމުން ގެންދަވަނީ ރާއްޖޭގެ އެއްވެސް ރަށެއް ނުފުރޭ ކަމަށް
ކޮމިއުނިކޭޝަން ސައިންސް އެންޑް ޓެކްނޮލޮޖީ މިނިސްޓަރު މުހައްމަދު މަލީހު
ރާއްޖެއަށް ބޭނުންވާ ހައްލަކީ ވަރޓިކަލް ސިޓީޒް ކަމަށް ކޮމިއުނިކޭޝަން ސައިންސް އެންޑް ޓެކްނޮލޮޖީ މިނިސްޓަރު މުހައްމަދު މަލީހު ވިދާޅުވެއްޖެއެވެ.
މިނިސްޓަރ މިކަމާއި ގުޅިގެން ކުރެއްވި ޓްވީޓުގައި ވަކާލާތު ކުރައްވާފައިވަނީ، ރާއްޖޭގެ އެއްވެސް ރަށެއް ނުފުރޭ ކަމަށެވެ. އެއީ ބުރިބުރިއަށް ނަގައިގެން ޖާގަ އިތުރުކުރުމާއި ހުސްބިމުން ގޯތި ދެވޭނެ ތީ ކަމަށެވެ.
ވަރޓިކަލް ސިޓީޒް ތަކަކީ ބުރިބުރިއަށް ޑިޒައިން ކުރެވިގެން ތަރައްގީ ކުރެވޭ ސިޓީ ތަކެވެ.
މިކަމާއި ގުޅިގެން ރާއްޖެއެމްވީއިން މިނިސްޓަރާއި ސުވާލުކުރުމުން މިނިސްޓަރ ވިދާޅުވީ ރާއްޖެއަށް އޮތް އަނެއް ގޮތަކީ ހޮރިޒޯންޓަލް ސިޓީ ތަރައްގީ ކުރުންކަމަށެވެ. އެއީ މަތިމައްޗަށް އިމާރާތްތައް ނުނަގާ، ބިމުގެ ބޮޑުބައެއްގައި އިމާރާތްކޮށްގެން ކުރެވޭ ތަރައްގީ ކަމަށެވެ. މަލީހު ވިދާޅުވީ ރާއްޖެ ފަދަ ބިން މަދު ގައުމަކަށް ބޮޑަށް ރަނގަޅުވާނީ ރަނގަޅަށް ޑިޒައިން ކުރެވިގެން ބުރިބުރިއަށް ނެގޭ ތަރައްގީ ކަމަށެވެ.
މިނިސްޓަރު މަލީހު މިހެން ވިދާޅުވެފައިވާއިރު އޭނާ ވަނީ ހޮނިހިރު ދުވަހު، މާލެ ފުރެން އަދި ކައިރިވެސް ނުވާކަމަށާއި މާލެއަކީ މިހާރު ހުޅުމާލެ ދެވަނަ ފިޔަވައްސާ، ވިލިމާލެ، ގުޅިމާލެ (ގުޅިފަޅު)، ތިލަމާލެ (ތިލަފުށި) ކަމަށް ވިދާޅުވެ ޓްވީޓު ކުރައްވާފައެވެ. މި ސަރަޙައްދު ވެގެންދާނީ ބޮޑު ސަރަޙައްދަކަށް ކަމަށާއި ހައުސިންގގެ ތަފާތު ވައްތަރުތައް އަންނަވީ ކަމަށް މިނިސްޓަރގެ އެ ޓްވީޓުގައިވެއެވެ.
