ކ. މާލެ
|
30 ޑިސެންބަރ 2019 | ހޯމަ 18:44
ޔޫތް މިނިސްޓްރީގައި ކުރިޔަށްދިޔަ ސޮއި ކުރުމުގެ ރަސްމިއްޔާތުގެ ތެރެއިން
ޔޫތް މިނިސްޓްރީގައި ކުރިޔަށްދިޔަ ސޮއި ކުރުމުގެ ރަސްމިއްޔާތުގެ ތެރެއިން
ޔޫސުފް ސޮފްވާން ރަޝީދު
ޔޫތް މިނިސްޓްރީ
އަށް ރަށެއްގެ ފުޓްބޯޅަ ދަނޑުގެ ސަބް ބޭސް ތައްޔާރުކުރުމަށް ހަވާލުކޮށްފި
 
ރާއްޖޭގެ އެކި ކަންކޮޅުތަކުގައި ބޮޑު ފުޓްބޯޅަ ދަނޑުތައް ގާއިމްކުރުމަށް ރައީސް ސާލިހް ވެވަޑައިގެންފައިވާ ވައުދުފުޅެއް

އަށް ރަށެއްގެ ފުޓްބޯޅަ ދަނޑުގެ ސަބް ބޭސް ތައްޔާރުކުރުމުގެ މަސައްކަތް ޙަވާލުކޮށްފިއެވެ.

މިނިސްޓްރީ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަރމަންޓްގައި ބޭއްވި ރަސްމިއްޔާތެއްގައި ވަނީ ށ. މިލަންދޫ، ށ. ފޯކައިދޫ، ށ. ފުނަދޫ، އދ. މާމިގިލި، ކ. ގުޅި، ކ. ގުރައިދޫ އަދި ނ. ވެލިދޫގެ އިތުރުން ހއ. ދިއްދޫ ފުޓްބޯޅަ ދަނޑުގެ ސަބް ބޭސް ތައްޔާރު ކުރުމަށް ޙަވާލުކޮށްފައެވެ.

އެގޮތުން ހއ. ދިއްދޫ އާއި ށ. ފޯކައިދޫ އަދި ނ. ވެލިދޫ ދަނޑުގެ ސަބް ބޭސް މަސައްކަތް ޙަވާލުކޮށްފައިވަނީ ޓޫއޭ ކޮމްޕެނީ ޕްރައިވެޓް ލިމިޓެޑާއެވެ. މި އެއްބަސްވުންތަކުގައި މިނިސްޓްރީގެ ފަރާތުން މިނިސްޓަރ އަޙްމަދު މަޚްލޫފް ސޮއިކުރެއްވިއިރު ޓޫއޭ ކޮންޕެނީ ޕްރައިވެޓް ލިމިޓެޑްގެ ފަރާތުން ސޮއިކުރެއްވީ އެ ކުންފުނީގެ މެނޭޖަރ އަހްމަދު އިހްސާނެވެ. މި ތިން އެއްބަސްވުމުގެ ޖުމުލަ ޢަދަދު ފަސް މިލިއަން ރުފިޔާއަށް އަރައެވެ. ށ. މިލަންދޫ ދަނޑުގެ ސަބް ބޭސް މަސައްކަތް ޓީއޭ ކޮންސްޓްރަކްޝަނާ ޙަވާލުކޮށްފައިވާއިރު މި އެއްބަސްވުމުގައި އެ ކުންފުނީގެ ފަރާތުން ސޮއިކުރެއްވީ އެކުންފުނީގެ މެނޭޖިން ޑިރެކްޓަރ މުހައްމަދު ތައުފީޤް އެވެ. މި އެއްބަސްވުން އެ ކުންފުންޏާއި ޙަވާލުކޮށްފައިވަނީ 1.8 މިލިއަން ރުފިޔާއަށެވެ

ށ. ފުނަދޫ ދަނޑުގެ ސަބް ބޭސް މަސައްކަތް އާކާ އިންވެސްޓްމެންޓް ޕްރައިވެޓް ލިމިޓެޑާއި ޙަވާލުކޮށްފައިވާއިރު މިއީ 1.75 މިލިއަން ރުފިޔާގެ އެއްބަސްވުމެކެވެ. މި އެއްބަސްވުމުގައި އެ ކުންފުނީގެ ފަރާތުން ސޮއިކުރެއްވީ ޖެނެރަލް މެނޭޖަރ އިސްމާއީލް ޖައުފަރެވެ. ކ. ގުޅި އަދި ކ. ގުރައިދޫގެ އިތުރުން އދ. މާމިގިލީ ފުޓްބޯޅަ ދަނޑުގެ ސަބް ބޭސް ތައްޔާރުކޮށްދިނުމަށް އާރުކޭއެލް ގްރޫޕް ޕްރައިވެޓް ލިމިޓެޑާއި ޙަވާލުކޮށްފައިވާއިރު މި އެއްބަސްވުންތަކުގައި ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރ ހުޒައިމާ ހަސަންއެވެ. މި އެއްބަސްވުންތަކުގެ ޖުމުލަ އަގު 4.8 މިލިއަން ރުފިޔާއަށް އަރައެވެ.

ރާއްޖޭގެ އެކި ކަންކޮޅުތަކުގައި ބޮޑު ފުޓްބޯޅަ ދަނޑުތައް ޤާއިމުކުރުމަށް ރައީސް ޞާލިޙު ވެވަޑައިގެންފައިވާ ވަޢުދުފުޅާ އެއްގޮތަށް މި 2019 ވަނަ އަހަރުގެ ތެރޭގައި މިނިސްޓްރީ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަރމަންޓުން ވަނީ ގިނަ ދަނޑުތަކެއްގެ މަސައްކަތް ފަށާފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ޒިހްނަތު ހަސަން
0%
0%
0%
0%
0%
0%
ކޮމެންޓް