ލުބުނާން އާއި އިސްރާއިލުން މިލްކުވެރިކަމަށް ދައުވާކުރާ ސަރަހައްދަކުން ތެޔޮ ފެނިއްޖެ
26 ޑިސެމްބަރު 2019 | ބުރާސްފަތި 02:10ތެޔޮ ފެނުނީ ކަނޑުގެ ސަރަހައްދަކުން
ހިޒްބުﷲގެ ހަނގުރާމަވެރިއެއް
ލުބުނާން އާއި އިސްރާއިލުން މިލްކުވެރިކަމަށް ދައުވާކުރާ ސަރަހައްދަކުން ތެޔޮ ފެނިއްޖެއެވެ.
އަލްޖަޒީރާގައި ރިޕޯޓުކޮށްފައިވާ ގޮތުގައި ތެޔޮ ފެނުނީ ޒަމާނުއްސުރެ ލުބުނާން އާއި އިސްރާއިލުން މިލްކުވެރިކަމަށް ދައުވާ ކުރާ ކަނޑުގެ ސަރަހައްދަކުންނެވެ. އެސަރަހައްދުން ތެޔޮ ފެނުމާއެކު މިހާރު ލުބުނާންގެ ރައްޔިތުންގެ މެދުގައި ވަނީ އިސްރާއީލްއާ ހިޒްބުﷲ ޖަމައަތާ ދެމެދު އިތުރު ހަނގުރާމައެއް ފަށާފާނެ ކަމުން ބިރު ހީވެފައެވެ.
ހިޒްބުﷲ ޖަމައަތަކީ ލުބުނާންގެ އެންމެ ނުފޫޒުގަދަ ހަނގުރާމަވެރި ޖަމާއަތެކެވެ. އަލްޖަޒީރާގެ ރިޕޯޓަރެއް ކަމަށްވާ ޓޯނީ ބާޓްލީ ބުނެފައިވާ ގޮތުގައި ތެޔޮވަޅުތައް ފެނުމާއެކު ދެގައުމުގެ ދެމެދުގައި ވަނީ މައްސަލަތަކެއް އުފެދިފައެވެ.
މިދެގައުމުގެ ދެމެދުގައި އެންމެފަހުން ހަމަނުޖެހުމެއް ހިނގާ ދިޔައީ 2006 ވަނަ އަހަރެވެ. މިހަމަނުޖެހުމުގައި ލުބުނާންގެ 1000އަށް ވުރެ ގިނަ މީހުން މަރުވެފައިވާއިރު، އިސްރާއީލުން 23 އަށްވުރެ ގިނަ މީހުން ވަނީ މަރުވެފައެވެ.
