ފޯކައިދޫއިން ވަރުގަދަ އީގަލްސް ބަލިކޮށްފި!

ދިރާގު ދިވެހި ލީގުގައި ފޯކައިދޫ އިން ވަރުގަދަ އީގަލްސް ބަލިކޮށްފިއެވެ.

ގަލޮޅު ރަސްމީ ފުޓުބޯޅަ ދަނޑުގައި ހޮނިހިރު ދުވަހު ހަވީރު ކުޅުނު މި މެޗުން އީގަލްސް ބަލިވީ 3-2 ގެ ނަތީޖާ އަކުންނެވެ.

މެޗުގެ ފުރަތަމަ ހާފުގައި އީގަލްއިން ވަނީ ފޯކައިދޫގެ ގޯލަށް ނުރައްކާކޮށް ގިނަ ހަމަލާތަކެއް އުފައްދައިފައެވެ. އެގޮތުން މިހާފުގައި އީގަލްސްގެ ކެޕްޓަން އަހްމަދު ރިޒްވާން (ރިޒޭ) އަށް ވަނީ ލަނޑު ޖަހަން ގިނަ ފުރުސަތުތަކެއް ލިބި ބޭކާރުވެފައެވެ. އީގަލްއިން މެޗުގައި ފުރަތަމަ ލަނޑު ޖަހާ ލީޑު ނެގިއިރު މި ލަނޑު މެޗުގެ 24 ވަނަ މިނެޓުގައި އަރީން އަބްދުﷲ އިބްރާހީމް ޖެހިއިރު މި ލަނޑު އޭނާ ކާމިޔާބުކުރީ ކެޕްޓަން ރިޒޭގެ އެހީތެރިކަމާއި އެކުގައެވެ. މި ލަނޑާ އެކު ފޯކައިދޫއިން އެޓީމުގެ ކުޅުން ރަނގަޅު ކޮށް އީގަލްސްގެ ގޯލަށް ނުރައްކާ ކޮށްފައިވެއެވެ.

މި މެޗުގެ ފުރަތަމަ ހާފު ނިމިގެންދިޔައީ 1-0 ގެ ނަތީޖާ އަކުން އީގަލްސް ކުރީގައި އޮވެގެންނެވެ.

މެޗުގެ ދެވަނަ ހާފު ފަށައިގެން އީގަލްސް އިން އެޓީމުގެ ކުޅުން އިތުރުށް ރަނގަޅު ކުރިއިރު މެޗުގެ 50 ވަނަ މިނެޓުގައި އީގަލްސްއިން ވަނީ ލަނޑު ޖަހާ ނަތީޖާ ހަމަހަމަ ކޮށްފައެވެ. މި ލަނޑު އެޓީމަށް ކާމިޔާބު ކޮށްދިނީ އަހުމަދު ސަމާލެވެ. މެޗުގައި ފޯކައިދޫއިން ލީޑު ނެގީ މެޗުގެ 57 ވަނަ މިނެޓުގައި ކެޕްޓަން ހުސެއިން ފަޒީލް ޖެހި ލަނޑުންނެވެ. މެޗުގައި ފޯކައިދޫއިން ކާމިޔާބުކުރި

ތިން ވަނަ ލަނޑު މެޗުގެ 89 ވަނަ މިނެޓުގައި އިބްރާހީމް ނަޒީމް (ޗޯޓު) ކާމިޔާބުކުރި ލަނޑުންނެވެ. މެޗުގައި އީގަލްސްއިން ޖެހި ފަހު ލަނޑު އިތުރު ވަގުތުގައި އެޓީމަށް ކާމިޔާބު ކޮށްދިނީ ރިޒޭއެވެ.

ފޯކައިދޫގެ ކޯޗު އަލީ ނިސްތާރު މެޗަށްފަހު ބުނީ މި މެޗުން ފެނިގެންދިޔައީ ކުޅުންތެރިން ކުރި ބުރަ މަސައްކަތް ކަމަށާއި ހުރިހާ ޓީމަކަށް ހަމަހަމަ ކޮށް ކަންކަން ކުރަންޔާ ފޯކައިދޫ އޮންނާނީ ގަދަ ތިން ޓީމުގެ ތެރޭގައި ކަމަށެވެ.