އެމެރިކާގެ ކަނޑުގެ އަސްކަރިއްޔާގަ ބޭނުންކުރުމަށް އެޤައުމުގެ ސަރުކާރުން ދޫކޮށްފައިވާ މޯބައިލް ފޯނުތަކުން ސޯޝަލް މީޑިޔާގެ މަޝްހޫރު އެޕްލިކޭޝަން ޓިކް ޓޮކް ބޭނުންކުރުން މަނާކޮށްފި އެވެ.
ޓިކް ޓޮކް ބޭނުންކުރުން މަނާކުރީ ސައިބަރ ސެކިޔުރިޓީ އަށް ނުރައްކާވާ ކަމަށް ބުނެއެވެ. ނިމިގެންދިޔަ ހަފުތާގެ އަންގާރަ ދުވަހު އަސްކަރިއްޔާއިން ނެރެފައިވާ ބަޔާނެއްގައި ބުނެފައިވަނީ ނޭވީގައި ބޭނުންކުރުމަށް ސަރުކާރުން ދޫކޮށްފައިވާ މޯބައިލް ފޯނުތަކުން ޓިކް ޓޮކް ރިމޫވް ނުކޮށްފިނަމަ، އެ ފޯނު ބޭނުންކުރާ މީހުން ނޭވީ މެރިންގެ އިންޓްރާނެޓުން ބްލޮކްކޮށްލާނެ ކަމަށެވެ.
މި އެޕްލިކޭޝަނުން ދިމާވަނީ ކިހާ ވަރެއްގެ ނުރައްކަލެއް ކަމެއް ނޭވީން ހާމަކޮށްފައެއް ނުވެއެވެ. ނަމަވެސް އެމެރިކާގެ ދިފާޢީ ވުޒާރާ ޕެންޓަގަން ގެ ސްޕޯކްސްމަން ލެފްޓިނެންޓް ކާނަލް އޫރިއާ އޯރލެންޑް ވިދާޅުވެފައިވަނީ، މިއީ މިހާރު ފެންމަތިވެފައިވާ އަދި ދިމާވެދާނެ ނުރައްކަލަކުން ސަލާމަތް ވުމަށް ނިންމި ނިންމުމެއް ކަމަށެވެ.
ޓިކް ޓޮކް ބޭނުންކުރުން މަނާކުރީ ޓިކް ޓޮކް ބޭނުންކުރުމުން ދިމާވެދާނެ ނުރައްކަލާއި އެމީހުންގެ އަމިއްލަ މައުލޫމާތު ރައްކާތެރިކުރުމަށް ފިޔަވަޅު އެޅުމުގެ ގޮތުންޕެންޓަގަން ގެ ސްޕޯކްސްމަން ލެފްޓިނެންޓް ކާނަލް އޫރިއާ އޯރލެންޑް
މިކަމާ ގުޅިގެން އަދި މިހާތަނަށް ޓިކްޓޮކުން އެއްޗެއް ބުނެފައެއް ނުވެއެވެ.
ޓިކް ޓޮކް އަކީ އެމެރިކާގެ ފުރާވަރުގެ ކުދިންގެ މެދުގައި މަޤުބޫލު އެޕްލިކޭޝަނެކެވެ. ނަމަވެސް އެ އެޕްލިކޭޝަނާ ގުޅޭގޮތުން އިތުރަށް ދިރާސާކުރުމަށް އެމެރިކާގެ ޤާނޫނު ހަދާ މަޖިލީހުން ވަނީ ފަށާފައެވެ. މިދިޔަ މަހު އެމެރިކާގެ އާމީ ކެޑޭޓް ކޯރްޕްސްގަ ވެސް ޓިކްޓޮކް ބޭނުން ނުކުރުމަށް ވަނީ އިރުޝާދު ދީފައެވެ. އެއީ ސެނެޓާ ޗަކް އާރމީގައި ޓިކް ޓޮކް ބޭނުންކުރުމަކީ ސަލާމަތީގޮތުން ކަންބޮޑުވާ ކަމެއްކަމަށް ބުނުމުންނެވެ.
ނޭވީ ގެ ސްޕޯކްސް ޕާރސަން ބުނީ ނޭވީ އަދި މެރިން ގައި ސަރުކާރުން ދޫކޮށްފައިވާ މޯބައިލް ފޯނުތައް ބޭނުންކުރާ މީހުންނަށް ސޯޝަލް މީޑިޔާގެ މަޝްހޫރު އެޕްލިކޭޝަންތައް ބޭނުންކުރުމުގެ ފުރުޞަތު އޮންނަ ކަމަށެވެ. ނަމަވެސް ދިމާވެދާނެ ސެކިޔުރިޓީ މައްސަލަތަކަށް ބަލާ ބައެއް އެޕްލިކޭޝަން ބޭނުންކުރުން މަނާކުރާ ކަމަށް އޭނާ ބުނެފައިވެ އެވެ.
