މަސްތުވާތަކެއްޗާއިއެކު 2 މީހަކު ހައްޔަރުކޮށްފި
12 ޑިސެމްބަރު 2019 | ބުރާސްފަތި 07:19ހައްޔަރު ކޮށްފައިވަނީ 44 އަހަރުގެ ދިވެހި ފިރިހެނަކާއި 47 އަހަރުގެ ދިވެހި ފިރިހެނެއް
ފުލުހުން އޮޕަރޭޝަނެއްގައި ހަރަކާތްތެރިވަނީ
މާފަންނު ގެއެއް ބަލައި ފާސްކޮށް، މަސްތުވާތަކެއްޗާއިއެކު 2 މީހަކު ހައްޔަރުކޮށްފިއެވެ.
މާލޭގައި ފުޅާދާއިރާއެއްގައި މަސްތުވާތަކެތީގެ ވިޔަފާރިކުރާކަމަށް ޑްރަގް އިންޓެލިޖެންސްއަށް ލިބުނު މައުލޫމާތާއި ގުޅިގެން، 2019 ޑިސެމްބަރު 11 ވަނަ ދުވަހުގެރޭ ޑްރަގް އެންފޯރސްމެންޓް އިންޓެލިޖެންސް ގުޅިގެން ހިންގި އޮޕަރޭޝަންގައި ހައްޔަރު ކޮށްފައިވަނީ 44 އަހަރުގެ ދިވެހި ފިރިހެނަކާއި 47 އަހަރުގެ ދިވެހި ފިރިހެނެކެވެ.
މި އޮޕަރޭޝަންގައި އެމީހުން ހައްޔަރުކޮށް، ކޯޓު އަމުރެއްގެ ދަށުން އެގެ ބަލާ ފާސްކުރި އިރު މަސްތުވާތަކެތި ކަމަށް ބެލެވޭ އެއްޗެއް ހުރި ފިލްމް ހުސްކުރި 33 ދަޅާއި 22 ފުޅި ބަނގުރާ އަދި 8 ކޭސް ބަންގުރާ ފެނިފައިވާ ކަމަށް ފުލުހުން ވަނީ ބުނެފައެވެ. މީގެ އިތުރުން ގިނަ އަދަދެއްގެ ފައިސާ ފެނިފައިވާ ކަމަށް ވެސްފުލުހުން ބުނެފައިވެއެވެ. އަދި މި މައްސަލަ ޑްރަގް އެންފޯރސްމެންޓް ޑިޕާޓްމެންޓްއިން ތަހުގީގު ކުރަމުންދާ ކަމަށް ފުލުހުން ބުނެފައިވެއެވެ.
