ހަތް ރަށެއްގެ ބަނދަރު ހެދުމުގެ މަސައްކަތް މިނިސްޓްރީ އޮފް ނެޝަނަލް ޕްލޭނިން އެންޑް އިންފްރާސްޓްރަކްޗަރ އިން އެމްޓީސީސީއާ ހަވާލުކޮށްފިއެވެ.
އަންގާރަ ދުވަހު ޕްލޭނިން މިނިސްޓްރީގައި ބޭއްވި ރަސްމިއްޔާތެއްގައި ބަނދަރު ހެދުމުގެ މަޝްރޫއޫ ހަވާލު ކުރުމުގެ އެއްބަސްވުމުގައި ވަނީ ސޮއިކޮށްފައެވެ.
މުޅިން އަލަށް ދެ ރަށެއްގެ ބަނދަރު ޑިޒައިންކޮށް ހެދުމަށް ހަވާލުކޮށްފައިވާއިރު، ފަސް ރަށެއްގައި ބަނދަރު އަޕްގްރޭޑް ކުރަން ވަނީ ހަވާލުކުރެވިފައެވެ.
ޑިޒައިންކޮށް ބަނދަރު ހަދަން ހަވާލުކުރި ރަށްތައް:
ނ. ލަންދޫ
މުއްދަތު: 420 ދުވަސް
އަގު: 35 މިލިއަން ރުފިޔާ
އދ. މަންދޫ
މުއްދަތު: 330 ދުވަސް
އަގު: 37 މިލިއަން ރުފިޔާ
ބަނދަރު އަޕްގްރޭޑް ކުރަން ހަވާލުކުރި ރަށްތައް:
ދ. ހުޅުދެލި
މުއްދަތު: 362 ދުވަސް
އަގު: 39 މިލިއަން
ފ. ދަރަނބޫދޫ
މުއްދަތު: 397 ދުވަސް
އަގު: 38 މިލިއަން
ށ. ބިލެތްފަހި
މުއްދަތު: 365 ދުވަސް
އަގު: 31 މިލިއަން
ރ. ރަސްމާދޫ ބަނދަރު
މުއްދަތު: 365 ދުވަސް
އަގު: 19 މިލިއަން
ށ. ޅައިމަގު ބަނދަރު
މުއްދަތު: 480 ދުވަސް
އަގު: 56 މިލިއަން
މި އެއްބަސްވުން ތަކުގައި ޕްލޭނިން މިނިސްޓްރީގެ ފަރާތުން ސޮއިކުރެއްވީ އެ މިނިސްޓްރީގެ ޑިރެކްޓަރ ޖެނެރަލް ފާތިމަތު ޝާނާ ފާރޫގްއެވެ. އަދި އެމްޓީސީސީގެ ފަރާތުން ސޮއިކުރެއްވީ ސީއީއޯ ޝާހިދު ހުސައިން މޫސާއެވެ.
