ޕީޕީއެމްގެ މުޒާހަރާގައި ހައްޔަރުކުރި 2 މީހަކަށް 5 ދުވަހުގެ މުއްދަތު ޖަހައިފި
7 ޑިސެމްބަރު 2019 | ހޮނިހިރު 11:01ޕީއެންސީގެ ރައީސް އަބްދުއްރަހީމް ވަނީ ކޮންމެ ރެއަކު ސަރުކާރާ ދެކޮޅަށް އަޑުއުފުލުމުގެ ގޮތުން ސިލްސިލާ މުޒާހަރާ ކުރިއަށްދާނެ ކަމަށް ވިދާޅުވެފަ
ޕްރޮގްރެސިވް ކޮންގްރެސް ކޯލިޝަންގެ މުޒާހަރާއެއް
ޕްރޮގްރެސިވް ކޮންގްރެސްއިން ހުކުރު ދުވަހުގެ ރޭ ބޭއްވި މުޒާހަރާގައި ހައްޔަރުކުރި 2 މީހުންނަށް މުއްދަތު ޖަހައިފިއެވެ.
ފުލުހުން ގެ އިދާރާއިން ބުނެފައިވަނީ، ހުކުރު ދުވަހުގެ ރޭ ބޭއްވި މުޒާހަރާއިން ޖުމުލަ 7 މީހަކު ފުލުހުންގެ ބެލުމުގެ ދަށަށް ގެނެސްފައިވާކަމަށާއި، އޭގެތެރެއިން 2 މީހަކަށް ކްރިމިނަލް ކޯޓުން ހޮނިހިރު ދުވަހު 5 ދުވަހުގެ މުއްދަތެއް ޖަހާފައިވާކަމަށެވެ. އަދި ބާކީ ތިބި 5 މީހުން ރޭގައި ދޫކޮށްފައިވާކަމަށް ފުލުހުން ބުންޏެވެ.
ހުކުރު ދުވަހު މުޒާހަރާއެއް ބާއްވާފައިވާއިރު ޕީއެންސީގެ ރައީސް އަބްދުއްރަހީމް ވަނީ ކޮންމެ ރެއަކު ސަރުކާރާ ދެކޮޅަށް އަޑުއުފުލުމުގެ ގޮތުން ސިލްސިލާ މުޒާހަރާ ކުރިއަށްގެންދާނެ ކަމަށް ވިދާޅުވެފައެވެ. އަދި ޕްރޮގްރެސިވް ކޮންގްރެސް އިން ދަނީ ކޮންމެ ރެޔަކު ޞުލްޙަ މަސަލަކަން ނަގައި ރާއްޖެ ހަލަބޮލިކުރުމަށް މަސައްކަތްކުރަމުންނެވެ.
