ކ. މާލެ
|
5 ޑިސެންބަރ 2019 | ބުރާސްފަތި 12:33
ރައީސް އިބްރާހިމް މުހައްމަދު ސޯލިހު
ރައީސް އިބްރާހިމް މުހައްމަދު ސޯލިހު
ރައީސް އޮފީސް
ރައީސް ސޯލިހު
ޖާބިރުގެ ތުހުމަތުތަކާއި ގުޅިގެން ރައީސްގެ މައްސަލައެއް އޭސީސީން ދިރާސާ ކުރަނީ
 
ޖާބިރު ވިދާޅުވީ ރައީސް ސޯލިހާއި ޝާހިދު އަދި އަމީރު މަގާމު ހޯއްދެވީ ރިޝްވަތު ދެއްވައިގެން
 
ޖާބިރު ވަނީ ރައީސް ސޯލިހުގެ އިތުރުން މައުމޫނާއި، ޔާމީނާއި އަބްދުﷲ ޝާހިދު އަދި އަމީރަށް ވެސް ވައްކަމުގެ ތުހުމަތު ކުރައްވާފައި

ކާށިދޫ ދާއިރާގެ މެންބަރު އަބްދުﷲ ޖާބިރުގެ ތުހުމަތުތަކާއި ގުޅިގެން ރައީސް އިބްރާހިމް މުހައްމަދު ސޯލިހުގެ މައްސަލައެއް އޭސީސީން ދިރާސާ ކުރަން ފަށައިފިއެވެ.

އޭސީސީގެ މީޑިއާ އޮފިޝަލް "ރާއްޖެ އެމްވީ" އަށް މައުލޫމާތު ދެއްވަމުން ވިދާޅުވީ ރައީސްއާ ގުޅޭ މައްސަލައެއް އެކޮމިޝަނަށް ހުށަހަޅާފައިވާ ކަމަށެވެ. އަދި އެ މައްސަލަ ކޮމިޝަނުން ދިރާސާ ކުރަމުންދާ ކަމަށާއި، މިވަގުތު އެ މައްސަލައިގެ އިތުރު ތަފްސީލެއް ހާމަކުރެވެން ނެތް ކަމަށެވެ. އަދި އެ މައްސަލައާއި ގުޅޭ ގޮތުން ވަކި ކަމެއް ނިންމާފައި ނުވާ ކަމަށް ވެސް އޭސީސީގެ މީޑިއާ އޮފިޝަލް ވިދާޅުވިއެވެ.

ޑީއާރުޕީގެ ލީޑަރުކަން ވެސް ކުރައްވާ ޖާބިރު ރައީސަށް ތުހުމަތުތަކެއް ކުރައްވާ ވާހަކަ ދައްކަވާފައިވަނީ އަންނަ އަހަރަށް ލަފާ ކުރާ ބަޖެޓަށް ބަހުސް ކުރައްވަމުން މިދިޔަ މަހުގެ 12 ވަނަ ދުވަހުއެވެ.

ޖާބިރު ވަނީ ރައީސް ސޯލިހާއި، ފޮރިން މިނިސްޓަރ އަބްދުﷲ ޝާހިދާއި، ފިނޭންސް މިނިސްޓަރު އިބްރާހިމް އަމީރު އަދި ކުރީގެ ރައީސް މައުމޫން އަބްދުލްގައްޔޫމްގެ އިތުރުން ކުރީގެ ރައީސް އަބްދުﷲ ޔާމީނަށް ވެސް ވައްކަމުގެ ތުހުމަތުތައް ކުރައްވާފައެވެ.

ޖާބިރު ވިދާޅުވީ ރައީސް ސޯލިހާއި ޝާހިދު އަދި އަމީރު މަގާމު ހޯއްދެވީ ރިޝްވަތު ދެއްވައިގެން ކަމަށާއި، ރައީސް ސޯލިހް މަޖިލީހަށާއި، ފަނޑިޔާރުގެއަށް ނުފޫޒު ފޯރުއްވާ ކަމަށް ވިދާޅުވެފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަމަން ހަލީމް
67%
0%
0%
33%
0%
0%
ކޮމެންޓް