ނައިބު ރައީސް ރަސްމީ ދަތުރުފުޅެއްގައި އިންޑިޔާއަށް ވަޑައިގެންފި
4 ޑިސެމްބަރު 2019 | ބުދަ 18:44ކެރަލާ އަދި ކަރުނާޓަކާ ސްޓޭޓަށް ޒިޔާރަތްކުރެއްވުމަށް ހަމަޖެހިފައިވޭ
ނައިބު ރައީސް ފައިސަލް ނަސީމް އިންޑިއާއަށް ވަޑައިގަތުމުގެ ކުރިން ވެލާނާ އެއަރޕޯޓުގައި
ނައިބު ރައީށް ފައިޞަލް ނަސީމް، ތިން ދުވަހުގެ ރަސްމީ ދަތުރުފުޅެއްގައި އިންޑިޔާއަށް ވަޑައިގެންފިއެވެ.
ނައިބު ރައީސްގެ މިދަތުރުފުޅުގައި އެޤައުމުގެ ކެރަލާ އަދި ކަރުނާޓަކާ ސްޓޭޓަށް ޒިޔާރަތްކުރެއްވުމަށް ހަމަޖެހިފައިވެއެވެ. މިދަތުރުފުޅުގައި، ދެޤައުމުގެ ރައްޔިތުންގެ މެދުގައިވާ ޒަމާންވީ ގާތްގުޅުން އިތުރަށް ބަދަހި ކުރެއްވުމާއި ދެޤައުމުގެ ދޭދޭ ގުޅުންތައް ހަރުދަނާކުރެއްވުމަށް މަސައްކަތްޕުޅު ކުރައްވާނެއެވެ.
މީގެ އިތުރުން މިދަތުރުފުޅުގައި އިންޑިޔާގައި ދިރިއުޅޭ ދިވެހި ޢާއިލާތަކާ ބައްދަލުކުރެއްވުމަށް ވެސް މި ދަތުރުފުޅުގައި ހަމަޖެހިފައިވެއެވެ.
ނައިބު ރައީސް އިންޑިއާއަށް ވަޑައިގެންފައިވާއިރު، އިންޑިއާއާއި ރާއްޖެއާ ދެމެދު ބުދަ ދުވަހު ވަނީ މުހިންމު 4 އެއްބަސްވުމެއް ބަދަލުކޮށްފައެވެ. މި އެއްބަސްވުންތައް ބަދަލުކޮށްފައިވަނީ ރައީސް އޮފީހުގައި ބޭއްވި ހާއްސަ ރަސްމިއްޔާތެއްގައި ވީޑިއޯ ކޮންފަރެންސް މެދުވެރިކޮށެވެ.
