ވިލިމާލޭ ބަނދަރުގައި އޮތް ތެޔޮ ބޯޓެއްގައި ރޯވެއްޖެ
ހާދިސާގެ ރިޕޯޓް ލިބިފައިވަނީ 10:40 ހާއިރު
އަލިފާނުގެ ހާދިސާ ހިނގައިގެން އުޅޭ ސަރަހައްދު
ވިލިމާލޭ ފަޅުގައި އޮތް ތެޔޮ ބޯޓެއްގައި ރޯވެއްޖެ އެވެ.
އެމްއެންޑީއެފުން ބުނީ ހާދިސާގެ ރިޕޯޓް ލިބުނީ އަންގާރަ ދުވަހުގެރޭ 10:40 ހާއިރުކަމަށެވެ. އަދި އަލިފާންގަނޑު މިހާރު ނިއްވާލެވިފައިވާކަމަށް އެމްއެންޑީއެފުން ބުންޏެވެ.
އެމްއެންޑީއެފުން ބުނީ މި ހާދިސާގައި 6 މީހަކަށް އަނިޔާ ލިބި ހޮސްޕިޓަލަށް ގެންދެވިފައިވާކަމަށެވެ. ނަމަވެސް ލިބިފައިވަނީ ކިހާވަރެއްގެ އަނިޔާތަކެއްކަމަށް އެމްއެންޑީއެފުން އަދި ހާމައެއް ނުކުރެ އެވެ.
އެމްއެންޑީއެފުން ބުނީ ފަޔަރ ފައިޓަރެއްގެ ބޯ ފަޅާއިގެން ދިޔުމުން އޭނާއަށްވެސް ހޮސްޕިޓަލުގައި ފަރުވާދެމުން އަންނަކަމަށެވެ.
އެމްއެންޑީއެފުން ބުނީ ބޯޓުގައި ހުރި އެކަކު ގެއްލިގެން ރިޕޯޓް ލިބުނު ކަމަށެވެ. ނަމަވެސް ބޯޓުގައި ތިބި އެންމެ ފެނިފައިވާކަމަށް އެމްއެންޑީއެފުން ބުންޏެވެ.
