މަޖިލިސް އިންތިޚާބުގައި ލިބޭ ވޯޓަށް ބެލުމަށްފަހު ޕާޓީތަކަށް ފައިސާދޭ އިސްލާހެއް!
25 ނޮވެމްބަރު 2019 | ހޯމަ 12:52ޕާޓީތަކަށް ފައިސާ ދިނުމުގައި އެހެން ގޮތްތަކެއް ހަމަޖައްސަންޖެހޭ
އެމްއާރްއެމް ރަޖިސްޓްރީވިކަމުގެ ލިޔުން ހަވާލު ކުރުމަށް ބޭއްވި ރަސްމިއްޔާތުގެ ތެރެއިން
ރައްޔިތުންގެ މަޖިލިސް އިންތިޚާބުގައި ވޯޓު ލިބޭ މިންވަރަށް ބަލައި ފައިސާ ދިނުމުމާއި މެދު ސިޔާސީ ޕާޓީތަކުގެ ހިޔާލު ހޯދުމަށް ފޮނުވައިފިއެވެ.
ހޯމަ ދުވަހު މޯލްޑިވްސް ރިފޯމް މޫވްމަންޓް (އެމްއާރްއެމް) ރަޖިސްޓްރީވިކަމުގެ ލިޔުން ހަވާލުކުރުމަށް ބޭއްވި ރަސްމިއްޔާތުގައި އިލެކްޝަން ކޮމިޝަންގެ ރައީސް އަހްމަދު ޝަރީފު ވިދާޅުވީ ސިޔާސީ ޕާޓީތަކަށް ދައުލަތުން ފައިސާ ދޭއިރު، މެމްބަޝިޕަށް ބެލުމުގެ ބަދަލުގައި އެހެން ގޮތްތަކެއް ބަލައި، އެހެން ގޮތްތަކެއް ހަމަޖައްސަން ޖެހޭ ކަމަށެވެ.
އެގޮތުން މަޖިލިސް އިންތިޚާބުގައި ޕާޓީތަކަށް ވޯޓު ލިބޭ އަދަދަށް ބެލުމަށް ފަހު ފައިސާ ދިނުމާއި މެދު ޕާޓީތަކުގެ ހިޔާލު ހޯދުމަށް ފޮނުވާފައިވާ ކަމަށް ޝަރީފް ވިދާޅުވިއެވެ. އަދި ވިދާޅުވީ އެއިސްލާހު މަޖިލީހަށް ހުށަހަޅަން ވަރަށް އަވަހަށް އެޓާނީ ޖެނެރަލް (އޭޖީ) އޮފީހަށް ފޮނުވާނެ ކަމަށް ވެސް ވިދާޅުވިއެވެ.
އެކޮމިޝަނުން ހުށަހެޅި އިސްލާހުތަކުގެ ތެރޭގައި ޕާޓީގައި ކިތަންމެ މެމްބަރުންގެ މަދު ނަމަވެސް އިދާރީ ހިންގުމަށް ދައުލަތުން ފައިސާގެ ވަކި މިންވަރެއް ދޭނެ އެވެ.
މިހާރު ގާނޫނުގައި ވާ ގޮތުގައި ދައުލަތުން ފައިސާ ދެނީ ކުރިއަށް އޮތް އަހަރުގެ ބަޖެޓް ފާސްކުރުމާ ހަމައަށް 10،000 މެމްބަރުން ހަމަވާ ޕާޓީތަކަށް އެކަންޏެވެ. އެގޮތުން ޕާޓީތަކުގެ ދަފްތަރަށް ބަލާއިރު 10،000 މެމްބަރުން ހަމަވަނީ އެމްޑީޕީ އާއި ޕީޕީއެމްގެ އިތުރުން ޖުމްހޫރީ ޕާޓީ އެވެ.
