ސަންފްރަންޓުން މި މަހުގެ 4 ވަނަ ދުވަހު ފަށާފައިވާ ގުޑުގުޑު ސޭލްއަށް އާންމުންގެ ފަރާތުން ބޮޑު ތަރުހީބެއް ލިބެމުން އަންނަ ކަމަށް އެ ފަރާތުން ބުނެފިއެވެ.

ސޭލްގެ ތެރެއިން ކަސްޓަމަރުންނަށް ހެޔޮ އަގުގައި ސާމާނުތައް ލިބޭނެ މަގު ފަހިވެގެންދާނެ ކަމަށާއި ސޭލްގެ ދަށުން ގޭތެރޭގައި ބޭނުންކުރާ ފަރުނީޗަރު ކަމަށްވާ ސޯފާ ސެޓް، ޑައިނިންގް ސެޓް، އަލަމާރި، އެނދު ފަދަ ސާމާނު ހެޔޮ އަގެއްގައި ލިބިގެންދާނެ ކަމަށް ސަންފްރަންޓް އިން މައުލޫމާތުދެއެވެ.

ރާއްޖެޓީވީގެ ވިޔަފާރި ރިޕޯޓް ޕްރޮގްރާމަށް ދެއްވި ހާއްސަ އިންޓަވިއުގައި ސަންފްރަންޓް ލިވިންގް ޝޯރޫމްގެ މޭނެޖަރު އިކްރާމް މުހައްމަދު ވިދާޅުވީ މިފަހަރުގެ ސޭލް އަމާޒުކޮށްފައިވަނީ ފަރުނީޗަރު ޝޯރޫމަށް ކަމަށާއި އަންނަ އަހަރު ވެސް މި ސޭލް ބޭއްވުމަށް ނިންމާފައިވާ ކަމަށެވެ. އަދި އެހެން ޝޯރޫމްތަކުގައި ވެސް މި ސޭލް ކުރިއަށްދާނެ ކަމަށް އޭނާ ވިދާޅުވިއެވެ.

ސޭލް ނިންމާނެ ތާރީހެއް ކަނޑަނާޅާ ކަމަށާއި އޭގެ ބޭނުމަކީ ވީހާ ވެސް ގިނަ ފަރާތްތަކަށް މި ސޭލްގެ ދަށުން ވިޔަފާރި ކުރުމުގެ ފުރުސަތު ހުޅުވާލަދިނުމަށް ކަމަށް ވެސް ސަންފްރަންޓުން ބުނެއެވެ.

އެތަނުން ގަންނަ މުދާ މާލެ އަދި ހުޅުމާލޭގެ ރައްޔިތުނަށް ގެއާއި ހަމައަށް ޑެލިވަރީ ކޮށްދޭނެ ކަމަށާއި ވިލިމާލޭގެ ރައްޔިތުންނަށް ފެރީ އާއި ހަމައަށް މުދާ ފޯރުކޮށްދިނުމަށް ވަނީ ހަމަޖެހިފައެވެ. އަދި ރަށްތަކުގައި ދިރިއުޅޭ ފަރާތްތަކުން ވެސް މުދާ ގަތުމުން ދޯނި ފަހަރަށް މުދާ ފޯރުކޮށްދޭނެ ކަމަށް ވެސް ސަންފްރަންޓުން ވަނީ ބުނެފައެވެ.

މި ޕްރޮމޯޝަންގެ ތެރެއިން، އެކިއެކި ފައިނޭންސް ލީސިންގް ސްކީމްތައް މެދެވެރިކޮށް ވެސް ވިޔަފާރި ކުރެވޭނެއެވެ.