ރާއްޖޭގައި އުފައްދައި، ބަންދުކޮށްގެން ވިއްކާ އެކި ބްރޭންޑް ތަކުގެ މިނަރަލް ވޯޓަރ އަގުބޮޑުކޮށް ވިއްކަމުންދާކަން ފާހަގަކުރެވި އެކަން އެގޮތަށް ނުކުރުމަށް ވިޔަފާރިވެރިންނަށް އިކޮނޮމިކް މިނިސްޓްރީން އިލްތިމާސްކޮށްފިއެވެ.
އެ މިނިސްޓް އަންގާރަ ދުވަހު ނެރެފައިވާ އިއުލާނެއްގައި ބުނެފައިވަނީ، ފުޅިގައި ބަންދުކޮށްގެން ވިއްކާ ފެނަކީ ރައްޔިތުންގެ ގިނަ ބަޔަކު ބޭނުންކުރާ އެއްޗަކަށް ވާއިރު، ބައެއް ފިހާރަތަކުން އަގުބޮޑުކޮށް ފެން ވިއްކަމުންދާކަމުގެ ޝަކުވާ އެ މިނިސްޓްރީއަށް ލިބިފައިވާކަމަށެވެ.
އެހެންކަމުން ފެން ވިއްކަން ހުންނަ އަސްލު އަގަށްވުރެ އަގުބޮޑުކޮށް ނުވިއްކުމަށް އިކޮނޮމިކް މިނިސްޓްރީން ވަނީ ވިޔަފާރިވެރިންނަށް އިލްތިމާސްކޮށްފައެވެ.
މި ދުވަސްވަރަކީ ރާއްޖެއަށް ހޫނު ގަދަ ދުވަސްވަރެއްކަމަށް ވުމާއި އެކު، ފެން ބޭނުންކުރެވޭ ނިސްބަތް މަތިވުމުގެ ސަބަބުން ފެނުގެ ޑިމާންޑް މަތިވުމުގެ ސަބަބުން ފުޅިގައި ބަންދުކުރާފެން ލިބުމުގައި ދަތިތަކެއް ކުރިމަތިވަމުންދާކަމަށް އާއްމުން ދަނީ ބުނަމުންނެވެ.
